Categories
Breaking news

آئندہ ہفتے انسداد زیادتی سے متعلق سخت قانون لا رہے ہیں: وزیر اعظم عمران خان

Advertisement

وزیر  اعظم عمران خان

Advertisement

وزیر اعظم عمران خان نے کشمور واقعے میں بہادری دکھانے والے پولیس اہلکار کو فون کیا اور اسے شاباش دی، وزیر اعظم کا کہنا تھا کہ آئندہ ہفتے انسداد زیادتی سے متعلق سخت قانون لا رہے ہیں۔

تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں بتایا کہ انہوں نے کشمور واقعے میں بہادری دکھانے والے پولیس اہلکار کو فون کیا اور اس سے گفتگو کی۔

وزیر اعظم عمران خان نے اے ایس آئی محمد بخش برڑو اور اس کی بیٹی کو شاباش دی اور کہا کہ قوم کو آپ کی بہادری پر فخر ہے۔

میں نےکشمورمیں زنابالجبرکےملزم کی گرفتاری کیلئےایک باہمت اورمثالی قدم اٹھانے والے ASI برڑو اورانکی بیٹی سےبات کی ہےاور انہیں سراہاہے۔قوم ان پر نازاں ہے اور انہوں نےپولیس کی ساکھ کوبھی سہارادیاہے۔تمام نقائص دورکرتےہوئےآئندہ ہفتےہم زنابالجبر کیخلاف ایک سخت اورمجموعی قانون لارہےہیں۔

— Imran Khan (@ImranKhanPTI) November 14, 2020

اپنے ٹویٹ میں وزیر اعظم نے مزید کہا کہ محمد بخش نے پولیس کے مثبت کردار کو اجاگر کیا، تمام نقائص دور کرتے ہوئے آئندہ ہفتے زیادتی کے خلاف ایک سخت اور مجموعی قانون لا رہے ہیں۔

خیال رہے کہ چند روز قبل کراچی سے ایک خاتون کو نوکری کا جھانسہ دے کر کشمور بلایا گیا جہاں اسے اور اس کی 4 سالہ بیٹی کو کئی روز تک اجتماعی زیادتی کا نشانہ بنایا گیا۔

ملزمان نے ماں کو چھوڑنے کے بعد بچی اپنے پاس رکھ لی تھی اور ماں سے مزید خواتین لانے کا مطالبہ کیا جس کے بعد متاثرہ خاتون پولیس کے پاس پہنچ گئی۔

بعد ازاں اے ایس آئی نے محمد بخش برڑو نے اپنی بیٹی سے ملزمان کی بات کروا کر انہیں جھانسہ دے کر ہوٹل پر بلوایا اور گرفتار کرلیا، ملزمان کی نشاندہی پر کمسن بچی کو بھی بازیاب کروا لیا جو اسپتال میں زیر علاج ہے۔

گزشتہ روز پولیس مرکزی ملزم رفیق ملک کو لے کر ایک اور ملزم کی شناخت و گرفتاری کے لیے پہنچی تو پولیس پارٹی پر اندھا دھند فائرنگ کی گئی جس میں ملزم رفیق ملک شدید زخمی ہوا، رفیق بعد ازاں اسپتال منتقلی کے دوران دم توڑ گیا۔

Advertisement

Leave a Reply

Your email address will not be published. Required fields are marked *