انصاف کا قتل کرنا تھا اس لیے فل کورٹ نہیں بنایا، مریم نواز

فوٹو: فائل

پاکستان مسلم لیگ (ن) کی نائب صدر مریم نواز نے کہا ہے کہ یک طرفہ فیصلہ کرنا تھا، انصاف کا قتل کرنا تھا اس لیے فل کورٹ نہیں بنایا۔

اسلام آباد میں پاکستان ڈیموکریٹک موومنٹ (پی ڈی ایم) اجلاس کے بعد میڈیا سے گفتگو کرتے ہوئے مریم نواز نے پنجاب اسمبلی میں وزیر اعلیٰ کے انتخاب کے سلسلے میں پرویز الہٰی کی درخواست پر سپریم کورٹ کے فیصلے کو تنقید کا نشانہ بنایا۔

ان کا کہنا تھا کہ ناانصافی کرنی تھی اس لیے فل کورٹ نہیں بنایا گیا، لاڈلے کو نوازنا تھا اس لیے فل کورٹ نہیں بنایا گیا۔

انہوں نے یہ بھی کہا کہ اگر فل کورٹ بنایا جاتا تو جو فیصلہ آیا وہ نہ آتا۔

ن لیگی نائب صدر کا کہنا تھا کہ لاڈلے کی باری پر کہا جاتا ہے پارٹی سربراہ کچھ نہیں، پارلیمانی پارٹی سب کچھ ہے۔

انہوں نے کہا کہ آئین سازی کرنا عدالت کا کام نہیں، عدالت کا کام آئین کی تشریح کرنا ہے۔

ان کا کہنا تھا کہ نواز شریف ہو تو آئین کی تشریح کچھ اور ہوتی ہے، عمران خان ہو تو آئین کی تشریح تو کیا آئین کا حلیہ ہی بدل جاتا ہے۔

مریم نواز نے کہا کہ کچھ بھی کرلیں، پرویز الہٰی ہمیشہ عدالتی وزیر اعلیٰ کہلائیں گے، آپ سمجھیں گے کہ اس قسم کے فیصلے ہم سر جھکا کر تسلیم کرلیں گے تو ایسا نہیں ہوگا۔

ان کا کہنا تھا کہ اگر ڈپٹی اسپیکر ن لیگ کا ہو تو عدالت اسے بلائے گی، اس کی رولنگ بھی ختم کرے گی اور اگر ڈپٹی اسپیکر پی ٹی آئی کا ہو تو عدالت اس کو نہیں بلائے گی۔

انہوں نے مطالبہ کیا کہ فارن فنڈنگ کیس کا فیصلہ جلد از جلد قوم کے سامنے لایا جائے۔

ان کا کہنا تھا کہ چیف الیکشن کمشنر عمران خان کے تعینات کردہ ہیں۔

مریم نواز نے کہا کہ فارن فنڈنگ کیس کا فیصلہ نہیں آتا تو مشاورت سے الیکشن کمیشن کے سامنے دھرنا دیں گے۔

قومی خبریں سے مزید

Original Article

پی ڈی ایم اجلاس میں فارن فنڈنگ کیس پر قرارداد منظور

بھارت نے دریائے چناب میں پانی چھوڑ دیا، اونچے درجے کے سیلاب کا خدشہ

اسپیکر قومی اسمبلی نے پی ٹی آئی کے 11 ارکان کے استعفے منظور کرلیے

حکومت عمران خان کے خلاف کارروائی میں لیت و لعل سے کام لے رہی ہے، زاہد خان

ق لیگ کا چوہدری شجاعت اور طارق بشیر چیمہ کو ہٹانے کا فیصلہ

لاہور: مسلم لیگ ہاؤس میں لگے پینا فلیکس سے چوہدری شجاعت کی تصاویر پھاڑ دی گئیں

چیف جسٹس بطور چیئرمین کمیشن پر اپنے فیصلے مسلط نہیں کر سکتے، جسٹس قاضی فائز عیسیٰ

فارن فنڈنگ کیس کا فیصلہ کیوں نہیں سنایا جارہا؟ حمزہ شہباز

الیکشن وقت پر ہوں گے، حکومت مدت پوری کرے گی، مولانا فضل الرحمان

جوڈیشل کمیشن اجلاس کا سپریم کورٹ نے اعلامیہ جاری کردیا

اقتصادی رابطہ کمیٹی کا اجلاس، لگژری و غیر ضروری اشیا کی درآمد پر پابندی ختم کرنے کی منظوری

لاہور کے تاجر نے بتایا حمزہ نے پارٹی فنڈ کے نام پر پیسے لیے، شہباز گل

خالد مقبول صدیقی کی چوہدری شجاعت سے ملاقات، ملکی صورتحال پر گفتگو

قوم منتظر ہے، ممنوع فنڈنگ کیس کا فیصلہ کیا جائے، قمر زمان کائرہ

بیرون ملک تعینات افسران کا انکم ٹیکس معطل کیا جائے، نوید قمر کا مفتاح اسماعیل کو خط

عمران خان کی پرویز الہٰی، مونس الہٰی کو اہم ہدایات

پائیدار ترقی کے پروگرام میں خواتین کی تعداد میں اضافہ ہوا: مریم اورنگزیب