Categories
Breaking news

انسانی حقوق کی حفاظت کرنا ریاست کی بنیادی ذمہ داری ہے، بلاول بھٹو

Advertisement
انسانی حقوق کی حفاظت کرنا ریاست کی بنیادی ذمہ داری ہے، بلاول بھٹو

پاکستان پیپلز پارٹی کے چیئرمین بلاول بھٹو زرداری نے انسانی حقوق کے عالمی دن پر اپنے پیغام میں کہا ہے کہ ہر شہری کے انسانی حقوق کی حفاظت کرنا ریاست کی بنیادی ذمہ داری ہے۔ پیپلز پارٹی اپنے قیام کے پہلے دن سے پاکستان میں انسانی حقوق کے تحفظ کے لئے سرگرمِ عمل ہے۔

انھوں نے کہا کہ ہر شہری کا برابری کی بنیاد پر احترام اور انسانی حقوق کے تحفظ کے لئے ہماری جدوجہد جاری ہے۔ اور یہ جدوجہد شہادتوں، قید و بند، تشدد اور الزام تراشیوں کا سامنا کرنے کے باوجود جاری ہے۔

Table of Contents

x
Advertisement

یہ بھی پڑھیے

بلاول بھٹو زرداری نے مزید کہا کہ اقوام کو ان کے انسانی حقوق کے ریکارڈ کی بنیاد پر پرکھا جاتا ہے۔ ترقی و خوشحالی فطری طور پر بلاتفریق ہر شہری کے انسانی حقوق کی پاسداری سے منسلک ہے۔ ایک پرامن و ترقی پسند معاشرے کے لئے آزادی اظہار، مذہب اور عقیدے، خواتین اور بچوں کے حقوق اور کمزور طبقات کے تحفظ کو یقینی بنانا ہوگا۔

انھوں نے کہا کہ عالمی برادری مقبوضہ کشمیر میں انسانی حقوق کی سنگین خلاف ورزیوں کا نوٹس لے۔ عالمی برادری یہ یقینی بنائے کہ بھارت کشمیر میں اپنے مظالم کا خاتمہ کرے اور حقِ خودارادیت کا احترام کرے۔ پیپلز پارٹی انسانی حقوق کی مشعل راہ کی حیثیت سے کسی بھی صورت میں انسانی حقوق کے تحفظ پر مصلحت کا شکار نہیں ہوگی۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *