الیکشن کمیشن کیخلاف PTI عدالت پہنچ گئی

پاکستان تحریکِ انصاف نے ممنوع فنڈنگ کیس میں الیکشن کمیشن آف پاکستان پر جانبداری کا الزام عائد کر دیا۔

پی ٹی آئی نے الیکشن کمیشن کے رویے کے خلاف اسلام آباد ہائی کورٹ سے رجوع کر لیا۔

وکیل انور منصور خان اور شاہ خاور نے پی ٹی آئی رہنما عامر کیانی کی جانب سے درخواست دائر کی ہے۔

پی ٹی آئی کی جانب سے عدالتِ عالیہ سے دیگر 17 سیاسی جماعتوں کے کیسز کا فیصلہ بھی 1 ماہ میں کرنے کی استدعا کی گئی ہے۔

دائر کی گئی درخواست میں مؤقف اختیار کیا گیا ہے کہ الیکشن کمیشن پی ٹی آئی کے خلاف کارروائی میں جانبداری دکھا رہا ہے۔

درخواست میں کہا گیا ہے کہ الیکشن کمیشن کو ہدایت کی جائے کہ 17 سیاسی جماعتوں کے کیسز پر ایک ماہ میں فیصلہ کرے۔

درخواست میں الیکشن کمیشن کے علاوہ 17 سیاسی جماعتوں کو فریق بنایا گیا ہے۔

قومی خبریں سے مزید

علیم خان حمزہ شہباز کی تقریبِ حلف برداری میں شریک نہیں ہونگے