جمعیت علمائے اسلام کے رہنما مولانا عبدالغفور حیدری کہتے ہیں کہ الیکشن کمیشن کو آج پی ڈی ایم کے فیصلوں کے تحت یادداشت پیش کریں گے۔

میڈیا سے گفتگو کرتے ہوئے مولانا عبدالغفور حیدری نے کہا کہ الیکشن کمیشن کو بتائیں گے کہ 2018ء میں جو دھاندلی کی اس کا داغ دھونا ہے۔

Table of Contents

x
Advertisement

انہوں نے یہ بھی کہا کہ چیف الیکشن کمشنر کو ہم نے احتجاج کے حوالے سے آگاہ کر دیا ہے، شیخ رشید باتیں تو بہت کرتے ہیں مگر سامنے نہیں آتے۔

واضح رہے کہ فارن فنڈنگ کیس کے فیصلے میں تاخیر کرنے کے خلاف اپوزیشن اتحاد پاکستان ڈیموکریٹک موومنٹ (پی ڈی ایم) کی جانب سے وفاقی دارالحکومت اسلام آباد میں الیکشن کمیشن کے آفس کے باہر آج احتجاج کیا جا رہا ہے جس کے سلسلے میں سیکیورٹی انتہائی سخت کر دی گئی ہے۔

اسلام آباد کے ریڈ زون میں سیکیورٹی ہائی الرٹ کر دی گئی ہے، جبکہ اس ضمن میں وزارتِ داخلہ میں کنٹرول روم قائم کر دیا گیا ہے۔

وفاقی وزیرِ داخلہ شیخ رشید احمد نے اس کنٹرول روم کا دورہ کیا ہے اور وہاں کے انتظامات کا جائزہ لیا ہے۔

کنٹرول روم میں امن و امان کی صورتِ حال کی مانیٹرنگ کی جائے گی، ریڈ زون کے داخلی اور خارجی راستوں پر پولیس کی بھاری نفری تعینات ہو گی۔

تمام اہم عمارتوں کی سیکیورٹی کے لیے پولیس اور رینجرز کے اضافی دستے تعینات کیئے گئے ہیں، اس سلسلے میں 1800 سے زائد پولیس جوان سیکیورٹی کے فرائض سر انجام دے رہے ہیں۔

یہ بھی پڑھیے

سیف سٹی کے کیمروں کے ذریعے وفاقی دارالحکومت اسلام آباد کے ریڈ زون کی مانیٹرنگ کی جا رہی ہے۔

وزارتِ داخلہ کے ذرائع کے مطابق ریلی کے شرکاء کی طرف سے قانون شکنی کی صورت میں سخت ایکشن لیا جائے گا۔

ادھر آئی جی اسلام آباد نے الیکشن کمیشن کا دورہ کر کے سیکیورٹی کی صورتِ حال کا جائزہ لیا۔

قومی خبریں سے مزید