Categories
Breaking news

افغان دارالحکومت کابل میں دھماکے، تین افراد ہلاک اور متعدد زخمی

Advertisement

دھماکہ

افغان دارالحکومت کابل دھماکوں سے گونج اٹھا، مختلف علاقوں میں تین دھماکے ہوئے جس میں تین افراد ہلاک اور متعدد زخمی ہوگئے۔

کابل میں ہونے والے ایک دھماکے میں پولیس چیف کی گاڑی کو نشانہ بنایا گیا جس میں پولیس چیف سمیت دو گارڈز ہلاک اور 6 افراد زخمی ہوگئے۔

کابل میں آج پولیس چیف کی گاڑی پر حملے سمیت دو دھماکے اور بھی ہوئے ہیں دونوں حملوں میں پولیس اور سیکیورٹی فورسز کو نشانہ بنانے کی کوشش کی گئی تاہم یہ حملے ناکام رہے اور 4 افراد معمولی زخمی ہوئے۔

دھماکوں میں زخمی ہونے افراد کو طبی امداد کے لیے اسپتال منتقل کردیا گیا ہے جہاں دو زخمیوں کی حالت نازک بتائی جارہی ہے۔

Advertisement

افغان میڈیا کے مطابق تاحال کسی گروپ کی جانب سے حملے کی ذمہ داری قبول نہیں کی گئی ہے۔

واضح رہے کہ کابل میں گزشتہ تین ماہ سے میزائل اور خودکش حملوں میں سیکیورٹی اور حکومتی حکام کو نشانہ بنایا گیا ہے جبکہ کابل یونیورسٹی پر بھی حملہ کیا گیا تھا جس کے نتیجے میں 50 طلبا ہلاک ہوگئے تھے۔

یاد رہے کہ افغان عمل میں پیش رفت کے باوجود افغانستان میں بم دھماکوں کا سلسلہ جاری ہے، گزشتہ سال دسمبر میں کابل میں ہونے والے دھماکے میں 9 افراد جاں بحق اور 15 زخمی ہوگئے تھے۔

Advertisement

Leave a Reply

Your email address will not be published. Required fields are marked *