افغانستان گئے40 ہزار افراد کو یہاں بسانا چاہتے تھے، عمران خان

پاکستان تحریک انصاف (پی ٹی آئی) کے چیئرمین عمران خان کا کہنا ہے کہ ہم افغانستان گئے 40 ہزار افراد کی پاکستان میں آباد کاری چاہتے تھے، ان میں سے 5 سے 10 ہزار جنگجو بھی تھے، مگر نئی حکومت نے اس معاملے پر زیادہ توجہ نہیں دی۔

غیر ملکی میڈیا سے گفتگو کرتے ہوئے عمران خان نے اعتراف کیا کہ دنیا بھر میں ایندھن کی قیمتیں یوکرین بحران کی وجہ سے بڑھیں، ترقی پذیر ملکوں کو خاص طور پر زیادہ نقصان ہوا، پاکستان کی خارجہ پالیسی درست نہیں تھی، ہم امریکی ڈالرز کیلئے دوسروں کی جنگ لڑتے رہے۔

عمران خان نے کہا کہ افغان طالبان اور پاکستانی طالبان میں فرق کرنا چاہیے۔

پی ٹی آئی چیئرمین نے کہا کہ ہم نے ہر فورم پر کشمیر پر بات کی ہے، پاکستان جیسے ملکوں کو ایسے تنازعات کا حصہ نہیں بننا چاہیے جن کا ہم سے کوئی تعلق نہیں ہے، یوکرین تنازعے سے دنیا میں بے پناہ مسائل نے جنم لیا ہے، یوکرین جنگ نے ترقی پزیر ملکوں میں بیلنس آف پے منٹ کے سنگین مسائل کھڑے کر دیے ہیں، ترقی پذیر ملکوں پر کسی ایک طرف جھکاؤ کیلئے دباؤ ڈالا جاتا ہے، سرد جنگ کے دوران بھارت کا کسی طرف جھکاؤ نہ ہونا قابل تعریف ہے۔

عمران خان نے کہا کہ پاکستان اور ترکیہ کے درمیان گہرے اور عوامی سطح کے تعلقات بھی ہیں، چین اور ترکیہ نے ہمیشہ ہمارا ساتھ دیا ہے، مسئلہ کشمیر پر چین اور ترکیہ کے سوا کوئی ملک ہمارے ساتھ نہیں کھڑا ہوا، ہم یوکرین جنگ کا حصہ کیوں بنیں جب ہمارے معاملات میں مغربی ممالک ہمارے ساتھ نہیں ہوتے، میں نے چین جیسی طویل مدتی پلاننگ کسی اور ملک میں نہیں دیکھی۔

انہوں نے کہا کہ ہم نے ہر فورم پر کشمیر پر بات کی ہے، مسئلہ کشمیر، یوکرین جنگ سے الگ معاملہ ہے، ہم کشمیریوں کے حق میں کام کرتے رہیں گے، سفارتی دباؤ برقرار رکھیں گے، میں مسائل کے عسکری حل کا حامی نہیں ہوں، بھارت مقبوضہ کشمیر میں ہندوؤں کی آبادی بڑھانے کی کوشش کر رہا ہے، میرا کامل یقین ہے کہ کشمیریوں کو ایک دن اُن کا حق مل کر رہے گا۔

عمران خان نے کہا کہ جب سے پاکستان کے پاس ایٹمی ہتھیار ہیں، بھارت کے ساتھ کوئی جنگ نہیں ہوئی، ایٹمی جنگ دنیا پر خودکش حملے کے مترادف ہے۔

انہوں نے کہا کہ ایغور جیسے مسائل پر چین کی ہمارے ساتھ بند دروازے میں بات چیت ہوتی ہے، میرے لیے سب سے اہم بات ہے کہ مسلم ملکوں کو عزت اور وقار کے ساتھ رہنا چاہیے، جب کوئی ملک مسلسل بیرونی قرضے لیتا ہے تو وہ دوسروں کی بات ماننے پر مجبور ہوتا ہے، مسلسل قرضہ لینے والا ملک خود مختار نہیں رہتا۔

پی ٹی آئی چیئرمین نے کہا کہ جب میری حکومت گئی تو سیاسی جماعتوں اور اسٹیبلشمنٹ کی توجہ ٹی ٹی پی سے ہٹ گئی، اس کے بعد پاکستانی طالبان کو اُبھرنے کا موقع مل گیا۔

قومی خبریں سے مزید

Original Article

بلدیاتی انتخابات ملتوی، اسلام آباد ہائیکورٹ کا الیکشن کمیشن کو نوٹس

254ویں کور کمانڈرز کانفرنس، دہشتگردوں کیخلاف بلاتفریق لڑنے کا عزم

عمران خان استعفیٰ دیں بہانہ کیوں بنا رہے ہیں؟ مریم اورنگزیب

دادو: گھوسٹ قرار دیے گئے اساتذہ 2 روز بعد بحال

پاکستان میں 22 کمپنیوں کو الیکٹرک بائیک بنانے کا لائسنس دے چکے، وزارت صنعت و پیداوار

وزیراعظم پیکیج کے تحت یوٹیلیٹی اسٹورز کیلئے 4 ارب 9 کروڑ سے زائد کی گرانٹ منظور

فواد کی شہباز شریف کے دوست سے مبینہ گفتگو سامنے آگئی

توانائی میں کفایت شعاری اپنانا ضروری ہے، وزیراعظم

ہیلی کاپٹر استعمال کا بل دوبارہ آیا تو پھر واپس ہوگا، گورنر کے پی کے

وزیراعظم کا شاہ بحرین سے ٹیلیفونک رابطہ

کراچی: حسین آباد میں فائرنگ سے ایم کیو ایم لندن کا کارکن جاں بحق

استعفوں پر مشاورت: عمران خان نے پارٹی کی مرکزی قیادت کو بلالیا

لاہور ہائیکورٹ: کرپشن، اختیارات سے تجاوز اور مس کنڈکٹ پر ماتحت عدلیہ کے 3 ججز برطرف

ڈیم فنڈز کے معاملے پر پی اے سی کا چیف جسٹس کو خط لکھنے کا فیصلہ

عمران خان اور ان کے ساتھی ماضی کا حصہ بن جائیں گے، بلاول بھٹو زرداری

مولانا طارق جمیل کینیڈا میں روبصحت ہیں، خاندانی ذرائع

ابھی مجھے الیکشن ہوتے نظر نہیں آ رہے، عمران خان