Categories
Breaking news

افغانستان سے انخلا میں پاکستان کو نظر انداز کرنا بڑی تباہی ہے: لنزے گراہم

لنزے گراہم

امریکی ری پبلکن سینیٹر لنزے گراہم کا کہنا ہے کہ افغانستان سے انخلا میں پاکستان کو نظر انداز کرنا بڑی تباہی ہے۔

امریکی ری پبلکن سینیٹر لنزے گراہم نے سماجی رابطے کی ویب سائٹ ٹویٹر پر اپنے پیغام میں کہا کہ حیرت ہے جوبائیڈن نے اب تک عمران خان سے رابطہ نہیں کیا، امریکی صدر کا پاک امریکا تعلقات اور افغانستان پر رابطہ ضروری ہے۔

امریکی سینیٹر نے لکھا کہ پاکستان کے تعاون کے بغیر افغانستان سے انخلا کیسے موثر ہوگا، بائیڈن انتظامیہ سمجھتی ہے افغانستان میں مسائل نظر انداز کیے جاسکتے ہیں۔

لنزے گراہم نے سوال کیا کہ کیسے توقع کرسکتے ہیں پاکستان سے ہم آہنگی کے بغیر انخلا موثر ثابت ہوگا۔

امریکی سینیٹر نے کہا کہ معاملے پر پاکستان کونظر انداز کیا جانا عراق سے بھی بڑی غلطی ہے، واضح رہے کہ سینیٹر لنزے گراہم ری پبلک پارٹی کے اہم رہنما اور سابق صدر ٹرمپ کے قریبی ساتھی ہیں۔

Stunning to hear that President Biden hasn’t reached out to the Prime Minister of Pakistan Imran Khan regarding the U.S.-Pakistan relationship and Afghanistan.

— Lindsey Graham (@LindseyGrahamSC) June 22, 2021

Leave a Reply

Your email address will not be published. Required fields are marked *