اعجاز جاکھرانی کی ضمانت میں توسیع

سندھ ہائیکورٹ میں مشیر جیل خانہ جات اعجاز جاکھرانی و دیگر کی درخواست ضمانت پر سماعت ہوئی، نیب پراسیکوٹر نے پیش رفت سے عدالت کو آگاہ کرتے ہوئے بتایا کہ ملزمان کے خلاف احتساب عدالت سکھر میں ریفرنس دائر کر دیا گیا ہے۔

درخواست کی سماعت کے دوران اعجاز جاکھرانی کے وکیل نے عدالت کو بتایا کہ انکے موکل کو اس ریفرنس میں کوئی کال اپ نوٹس تک نہیں ملا۔

Table of Contents

x
Advertisement

عدالت نے ریمارکس دیے کہ ملزمان کے خلاف ریفرنس دائر ہوگیا تو تمام درخواستیں سکھر بینچ کو بھیج دیتے ہیں۔

یہ بھی پڑھیے

اعجاز شاہ کے وکیل کا کہناتھا کہ میرے موکل کے خلاف متعدد انکوائریاں چل رہی ہیں۔

چیف جسٹس سندھ ہائیکورٹ نے حکم دیا تھا کہ اعجاز جاکھرانی کو کسی بھی انکوائری میں گرفتار نہ کیا جائے، عدالت نے اعجاز جاکھرانی کی ضمانت میں توسیع کرتے ہوئے سماعت آئندہ ہفتے تک ملتوی کردی۔

نیب پراسیکوٹرکے مطابق اعجاز جاکھرانی کے خلاف ہائی وے جیکب آباد کی تعمیر میں کرپشن اور آمدن سے زائد اثاثے بنانے کی انکوائریز چل رہی ہیں۔

قومی خبریں سے مزید