Categories
Breaking news

اعتماد کے ووٹ میں اہم ترین کردار جہانگیر ترین کا ہے: راجہ ریاض

Advertisement
اعتماد کے ووٹ میں اہم ترین کردار جہانگیر ترین کا ہے: راجہ ریاض

پاکستان تحریکِ انصاف (پی ٹی آئی) کے رہنما راجہ ریاض کا کہنا ہے کہ خان صاحب کے اعتماد کا ووٹ لینے میں سب سے اہم کردار جہانگیر ترین کا ہے۔

Advertisement

جہانگیر ترین سے اظہارِ یک جہتی کے لیے پاکستان تحریکِ انصاف (پی ٹی آئی) کے رہنما راجہ ریاض ان کے ہمراہ لاہور کی بینکنگ کورٹ پہنچے، جہاں سے جہانگیر ترین اور ان کے بیٹے کی عبوری ضمانت میں توسیع کے بعد انہوں نے بھی میڈیا سے گفتگو کی۔

کون لوگ ہیں جنہوں نے مجھے خان صاحب سے دور کیا؟ جہانگیر ترین

جہانگیر ترین کا کہنا ہے کہ میری پاکستان تحریکِ انصاف (پی ٹی آئی) سے راہیں جدا نہیں ہوئی ہیں، پاکستان تحریکِ انصاف میں شامل ہوں اور شامل رہوں گا، کون لوگ ہیں جنہوں نے مجھے خان صاحب سے دور کر دیا ہے؟

راجہ ریاض نے مطالبہ کیا کہ خان صاحب! اپنے بہترین اور جاں نثار دوست کے خلاف زیادتی بند کرائیں، اس کا نقصان تحریکِ انصاف کو پہنچ رہا ہے۔

انہوں نے کہا کہ پنجاب کی حکومت جہانگیر ترین نے بنائی، عمران خان کے اعتماد کے ووٹ لینے میں سب سے زیادہ کردار جہانگیر ترین کا تھا۔

پی ٹی آئی رہنما نے کہا کہ عمران خان کے ارد گرد کے لوگ جہانگیر ترین کے خلاف سازش کر رہے ہیں، وزیرِ اعظم کو ان کے خلاف ایکشن لینا چاہیئے۔

یہ بھی پڑھیے

انہوں نے مزید کہا کہ ہم جہانگیر ترین کے ساتھ ہیں، ان کے ساتھ کھڑے رہیں گے، عمران خان اپنے بہترین اور جاں نثار دوست سے ظلم و زیادتی بند کرائیں۔

راجہ ریاض نے یہ بھی کہا کہ جہانگیر ترین کا دامن صاف ہے، انہوں نے ایک پیسے کی کرپشن نہیں کی، مگر ان کے خلاف انتقامی کارروائیاں کی جا رہی ہیں، وزیرِ اعظم عمران خان کو اس صورتِ حال کا نوٹس لینا چاہیئے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *