آل پاکستان پرائیوٹ اسکولز ایسوسی ایشنز کے صدر کاشف مرزا کا کہنا ہے کہ کورونا وائرس کے باعث اسکولوں کی بندش کے خلاف پرائیوٹ اسکولز ایسوسی ایشنز 8 اپریل کو اسلام آباد تک مارچ کرے گی۔

میڈیا سے گفتگو کرتے ہوئے آل پاکستان پرائیوٹ اسکولز ایسوسی ایشنز کے صدر کاشف مرزا نے کہا کہ کورونا وائرس قابو آنے لگے تو سیاسی جلسے ہونے لگتے ہیں جن سے کورونا وائرس پھیلتا ہے، لیکن روکا نہیں جاتا۔

انہوں نے کہا کہ وزیرِاعظم عمران خان اور وزیرِتعلیم شفقت محمود نے خود کہا کہ اسکولوں میں کورونا وائرس کے ضوابط پر عمل کیا جا رہا ہے۔

کاشف مرزا نے مزید کہا کہ تعلیمی ادارے بند تھے تو بچے والدین کے ساتھ پارک، گلیوں، بازاروں میں تھے، اسکولوں میں کورونا ضوابط پر عمل درآمد کیا جاتا ہے۔

یہ بھی پڑھیے

انہوں نے مزید کہا کہ بچوں کو کوروناوائرس کے ضوابط اسکولوں سے سکھائے جا رہے تھے۔

صدر آل پاکستان پرائیوٹ اسکولز ایسوسی ایشنز نے یہ بھی کہا کہ پاکستان کے ساڑھے 7 کروڑ بچوں کو تعلیم کا آئینی حق دیا جائے، بچوں کو آن لائن تعلیم دلوانی ہے تو انہیں ٹیبلیٹ دیئے جائیں۔

قومی خبریں سے مزید