Categories
Breaking news

اسپیکر قومی اسمبلی کا دورہ کابل ملتوی ہونے پر افغان سربراہانِ پارلیمان کے ٹیلیفون

Advertisement

اسپیکر قومی اسمبلی اسد قیصر سے افغان پارلیمان کے سربراہان نے ٹیلیفونک رابطہ کیا اور کہا کہ اسد قیصر کا دورہ ملتوی ہونے پر تبادلہ خیال کیا۔

اسد قیصر سے افغان چیئرمین سینیٹ فضل ہادی اور اسپیکر ولوسی جرگہ میر رحمان نے الگ الگ ٹیلیفونک رابطہ کیا۔

افغان پارلیمان کے سربراہان نے گفتگو میں اسپیکر اسد قیصر کے دورہ کابل کے ملتوی ہونے کے معاملہ پر تبادلہ خیال کرتے ہوئے کہا کہ پاکستانی وفد کا جہاز سیکیورٹی خدشات کے باعث کابل ایئرپورٹ نہیں اتر سکا۔

اسپیکر ولوسی جرگہ میر رحمان رحمانی کا کہنا تھا کہ پاکستانی وفد کی سیکیورٹی ہر چیز پر مقدم ہے۔

انھوں نے امید کا اظہار کیا کہ بہت جلد پاکستان کا پارلیمانی وفد کابل کے دورے پر آئے گا۔

اس موقع پر اسپیکر قومی اسمبلی اسد قیصر کا کہنا تھا کہ سیکیورٹی صورتحال بہتر ہونے پر جلد افغانستان آؤں گا۔

انھوں نے مزید کہا کہ افغانستان میں امن و استحکام کے لیے پاکستان اپنا کردار ادا کرتا رہے گا۔

اسد قیصر کا کہنا تھا کہ افغانستان کے ساتھ تعلقات کو بہت عزت کی نگاہ سے دیکھتے ہیں۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *