Categories
Breaking news

اسپتال میں آگ سے کورونا وائرس کے سات مریض ہلاک ہو گئے

Advertisement

آگ

مصر کے ساحلی شہر اسکندریہ میں گزشتہ روز ایک اسپتال میں لگنے والی آگ میں کورونا وائرس کے7 مریض ہلاک ہوگئے، آتشزدگی سے سات مریضوں کے زخمی ہونے کی بھی اطلاعات ہیں۔

اس حوالے سے سیکیورٹی اور طبی ذرائع نے میڈیا کو بتایا کہ فائر فائٹرز کی فوری کارروائی کے سبب آگ کو اسپتال کے دیگر شعبہ جات تک پھیلنے سے روک دیا گیا، اس موقع پر متاثرہ مریضوں کو دیگر اسپتالوں میں منتقل کرنے کے لئے ایمبولینس میں روانہ کیا گیا۔

غیر ملکی خٰبر رساں ادارے کے مطابق ہلاکتوں کی بڑی وجہ مریضوں کا جلنا اور دم گھٹنا بتائی جارہی ہے جبکہ ہلاک و زخمی ہونے والوں میں اسپتال کا عملہ بھی شامل ہے، پولیس نے واقعے کی تحقیقات کا آغاز کردیا ہے۔

Advertisement

مصر کے سرکاری اخبار ‘الاحرام’ نے اپنی رپورٹ میں کہا کہ ابتدائی تحقیقات میں آگ لگنے کی وجہ الیکٹرک شارٹ سرکٹ کو قرار دیا گیا۔

واضح رہے کہ اس سے قبل اسی طرح کا آگ لگنے کا ایک اور واقعہ رواں سال ماہ جون میں اسکندریہ شہر کے نجی ہسپتال کے کورونا وائرس وارڈ میں بھی پیش آیا تھا، جس سے7 مریض ہلاک اور ایک زخمی ہوگیا تھا۔

قبل ازیں مئی میں قاہرہ کے کورونا وائرس آئیسولیشن سینٹر میں بھی آگ لگی تھی، تاہم اس میں کوئی جانی نقصان نہیں ہوا تھا۔ خیال رہے کہ مصر میں ایک بار پھر وبا کے کیسز میں اضافہ دیکھا جارہا ہے جس سے حکومت ایک بار پھر کورونا مریضوں کو قرنطینہ کرنے اور ان کے علاج کے لیے مختص اسپتال دوبارہ کھولنے پر مجبور ہوگئی ہے۔

Advertisement

Leave a Reply

Your email address will not be published. Required fields are marked *