اسمبلیاں توڑنا کوئی بچوں کا کھیل ہے؟ سعد رفیق

خواجہ سعد رفیق – فوٹو: فائل

وفاقی وزیر ریلوے اور ہوابازی سعد رفیق نے استفسار کیا ہے کہ عمران خان حکومت سے باہر ہیں تو حوصلے سے کام لیں، چیخیں کیوں مار رہے ہیں؟

لاہور میں تقریب سے خطاب میں وفاقی وزیر نے کہا کہ بدقسمتی سے ملک کی سیاست میں گالم گلوچ کا کلچر آگیا ہے، لانے والوں کو معلوم تھا کہ یہ گالم گلوچ والے لوگ ہیں۔

انہوں نے کہا کہ جو سمجھتے ہیں گالیاں دے کر اپنا راستہ بنالیں گے انہیں پتا ہو راستہ نہیں بنے گا، اب تجربے نہیں ہونے چاہئیں، فیصلے لوگوں کو کرنے دیں۔

سعد رفیق نے مزید کہا کہ عمران کے لچّھن مخالفین کو رگڑا لگانا تھا، ہم پی ٹی آئی کی حکومت کو مانتے نہیں تھے لیکن ہم نے کوئی سازش نہیں کی، ہم نے اختلاف کیا۔

انہوں نے استفسار کیا کہ عمران خان اب اگر حکومت سے باہر ہیں تو حوصلے سے کام لیں، چیخیں کیوں مار رہے ہیں؟ اسمبلیاں توڑنا کوئی بچوں کا کھیل ہے؟

وفاقی وزیر نے یہ بھی کہا کہ عمران خان اسمبلی میں واپس آئیں اور وہاں آکر اختلاف کریں، الیکشن کروانے کا معاملہ دھمکیوں اور گالیوں سے حل نہیں ہوگا، سب کو مل کر بیٹھنا ہوگا، بات کرنا ہوگی۔

ان کا کہنا تھا کہ سیاسی اختلافات ضرور رکھیں، سیاست دان اب اپنی ذمے داری سمجھیں، 75 سال میں کبھی مارشل لاء آجاتا ہے کبھی مارشل لاء کی سوچ والے لوگ آتے ہیں۔

سعد رفیق نے کہا کہ ملک بدترین معاشی بحران کا شکار ہے، عمران خان ملک کو کہاں چھوڑ گئے؟ آپ آئی ایم ایف گئے اور بیچ میں چھوڑ کر بھاگ گئے۔

انہوں نے کہا کہ پنجاب کو چلا کر دکھائیں، جہاں حکومت ہے وہاں ڈیلور کریں، اسمبلیاں کوئی ریسلنگ نہیں، کوئی میچ نہیں۔

وفاقی وزیر نے کہا کہ اسمبلیاں توڑنا کوئی بچوں کا کھیل ہے؟ اسمبلی نہیں ٹوٹے گی، آپ کی 4 صوبوں میں حکومت ہے، لوگوں کی خدمت کرو۔

ان کا کہنا تھا کہ عمران خان اسمبلی میں واپس آئیں اور وہاں آکر اختلاف کریں، پی ٹی آئی والوں سے کہتا ہوں آپ کس کو ووٹ دیتے ہو، یہ آپ سے ووٹ لیکر اسمبلیاں توڑنے کی بات کرتا ہے۔

سعد رفیق نے کہا کہ خدا کا شکر حملہ آور پکڑا گیا ورنہ انہوں نے ہم پر مدعا ڈال دیا تھا۔

ان کا کہنا تھا کہ عمران خان صاحب کے پیٹ میں درد ہوتا ہے تو اسمبلیاں توڑنے کی بات کرتے ہیں۔

انہوں نے کہا کہ اسمبلی بچانے کے لیے ہم نے کچھ نہ کچھ تو کرنا ہوتا ہے، الیکشن کروانے کا معاملہ دھمکیوں اور گالیوں سے حل نہیں ہوگا، الیکشن کروانے کے لیے سب کو مل کر بیٹھنا ہوگا، بات کرنا ہوگی۔

وفاقی وزیر نے کہا کہ اب بھی ایک گروہ چاہتا ہے کہ اسے اقتدار میں لا کر بٹھا دیں، آج پاکستان بدقسمتی سے پھر دوراہے پر کھڑا ہے۔

ان کا کہنا تھا کہ آپ سیاسی اختلاف کریں مگر نواز شریف کی شائستگی کے قائل ہوجائیں، ن لیگی قائد نے کبھی کسی کا نام نہیں بگاڑا۔

قومی خبریں سے مزید

Original Article

کوئٹہ میں دستی بم دھماکا، بچہ اور خاتون زخمی

مونس الہٰی قبضہ شدہ اقتدار ہاتھ سے جانے پر بوکھلا گئے: ترجمان حمزہ شہباز

ترک بحریہ کے جہاز برگازادہ کی کراچی بندرگاہ آمد

پرویز الہٰی اب شاید ریورس گیئر لگا لیں: خواجہ آصف

پی ٹی آئی کی نئی حکمتِ عملی سامنے آ گئی

کون ہے جو چاہتا ہے پاکستان میں انتخابات نہ ہوں، فرخ حبیب

قائدِاعظم کا یومِ ولادت: ڈی جی رینجرز سندھ کی مزارِ قائد پر حاضری

جرمن قونصل جنرل کی کرسمس کی مبارکباد

کراچی: امارات جانیوالے کنٹینر سے 240000 نشہ آور گولیاں برآمد

تمام نااہل ایک اہل کو نااہل کرانے میں لگے ہیں: شیخ رشید

کراچی: بلدیہ ٹاؤن کے گھر میں گیس کا دھماکا، میاں، بیوی اور 3 بچے زخمی

کراچی: گلستانِ جوہر میں کینیڈین خاتون کی ہلاکت، مقدمہ تاحال درج نہ ہو سکا

ژوب: سیکیورٹی فورسز کا آپریشن، دہشتگرد ہلاک، سپاہی شہید

قائدِ اعظم کا یوم ولادت: وزارائے اعلیٰ پنجاب و بلوچستان کا پیغام

عمران خان نے ارکانِ قومی اسمبلی کو بدھ کو طلب کر لیا

بلوچستان: کئی علاقوں کا درجۂ حرارت نقطۂ انجماد سے کم، الرٹ جاری