اسلام آبادہائی کورٹ پر وکلاء کے دھاوا بولنے کے تیسرے روز عدالتیں کھل گئیں، چیف جسٹس اطہر من اللہ کی عدالت کے باہر رینجرز اور پولیس اہلکار تعینات ہیں۔

اسلام آباد ہائیکورٹ کی تمام عدالتوں کے باہر اور چیف جسٹس اسلام آباد ہائی کورٹ کے بلاک کے باہر بھی پولیس، رینجرز تعینات ہے، جبکہ ہائیکورٹ کے اطراف میں بھی سیکیورٹی کے سخت انتظامات کیے گئے ہیں اور غیر متعلقہ افراد کا داخلہ بند ہے۔

Table of Contents

x
Advertisement

ہائی کورٹ میں صرف متعلقہ افراد کو مکمل چیکنگ کے بعد داخلے کی اجازت دی جارہی ہے ۔

دوسری جانب اسلام آباد ہائیکورٹ بار کی آج مکمل ہڑتال کی کال پر عدالتوں کا بائیکاٹ کیا جارہا ہے۔

ہائی کورٹ بار کاکہنا ہے کہ جو وکیل عدالت میں پیش ہوا اس کے خلاف کارروائی ہو گی۔

واضح رہے کہ اسلام آباد کچہری میں غیر قانونی دفاتر گرائے جانے کیخلاف احتجاج کرنے والے وکلاء نے پیر کے روز اسلام آباد ہائیکورٹ میں بھی توڑ پھوڑ کی اور چیف جسٹس کے چیمبر پر بھی دھاوا بول دیا، گالم گلوچ اور مار پیٹ کی جبکہ چیف جسٹس کے چیمبرکےباہر شدید نعرے بازی کی، وکلاء کے احتجاج کے بعد اسلام آباد ہائی کورٹ کی عدالتیں تا حکم ثانی بند کر دی گئی تھیں۔

واقعے پر چیف جسٹس اسلام آباد ہائیکورٹ جسٹس اطہر من اللہ نے کہا کہ جب وکلاء ججز کی عزت نہیں کرینگے تو سائلین کی کون سنے گا۔

قومی خبریں سے مزید