اسلام آباد ہائی کورٹ نے الیکشن کمیشن کو وزیراعظم کے خلاف حتمی کارروائی سے روک دیا، وزیراعظم عمران خان اور وفاقی وزیر اسد عمر کی حکم امتناع کی درخواست منظور کر لی ۔
الیکشن کمیشن کے نوٹس کیخلاف وزیراعظم اور وفاقی وزیر اسد عمر کی درخواست پر اسلام آباد ہائیکورٹ میں جسٹس عامر فاروق نے سماعت کی، عدالتی نوٹس پر اٹارنی جنرل خالد جاوید خان بھی عدالت میں پیش ہوئے۔
پبلک آفس ہولڈر حلقے میں جاسکتا ہے، انتخابی مہم میں حصہ نہیں لے سکتا، وکیل الیکشن کمیشن
سماعت کے آغاز پر الیکشن کمیشن کے وکیل نے دلائل کا آغاز کیا ، کہا کہ پبلک آفس ہولڈر حلقے میں جاسکتا ہے، انتخابی مہم میں حصہ نہیں لے سکتا، صدر، وزیراعظم، وزراء انتخابی مہم میں حصہ نہیں لے سکتے۔
وکیل الیکشن کمیشن نے کہا کہ چیئرمین سینیٹ، اسپیکرز انتخابی مہم میں حصہ نہیں لے سکتے۔
اٹارنی جنرل خالد جاوید خان نے کہا کہ وزیراعظم سیاسی سرگرمیوں میں حصہ لیتے ہوئے غیر جانبدار نہیں رہ سکتا، یہ ہوسکتا ہےکہ الیکشن کمیشن یقینی بنائے کہ آپ کسی سرکاری اسکیم کا اعلان نہیں کرسکتے، الیکشن کمیشن یہ بھی کہہ سکتا ہے کہ کوئی بھی وزیر سرکاری گاڑی استعمال نہ کرے۔
وزیراعظم نے تحریری ہدایات دی تھیں کہ وہ اپنی جیب سے اخراجات کریں گے، اٹارنی جنرل
خالد جاوید خان نے بتایا کہ وزیراعظم نے تحریری ہدایات دی تھیں کہ وہ اپنی جیب سے اخراجات کریں گے،سنا نہ کبھی ایسا ہوا کہ الیکشن کمیشن کہے کہ وزیراعظم کو سوات جانے سے روک دیا گیا، الیکشن کمیشن ڈیڈی کی طرح ایکٹ کر رہا ہے۔
اٹارنی جنرل نے کہا کہ ہیڈ آف اسٹیٹ کو روکا جا سکتا، ہیڈ آف گورنمنٹ کو نہیں، الیکشن کمیشن وزیر اعظم کو نوٹس اور جرمانہ کر رہا ہے، اگلا مرحلہ نااہلی ہے، الیکشن کمیشن کیسے یہ کر سکتا ہے؟ انہوں نے استدعا کی کہ الیکشن کمیشن کو مزید کارروائی سے عارضی طور پر روکا جائے، پارلیمانی نظام حکومت میں یہ کیسے ہو سکتا ہے؟
الیکشن کمیشن کو مزید کارروائی سے عارضی طور پر روکا جائے،اٹارنی جنرل کی استدعا
خالد جاوید خان نے استدعا کی کہ کیس کا فیصلہ ہونے تک عدالت حکم امتناع جاری کر دے، اس پر جسٹس عامر فاروق نے ریمارکس دیئے کہ الیکشن کمیشن آئندہ سماعت تک کسی کو نااہل نہ کرے، اس پر اٹارنی جنرل نے کہاکہ صرف نااہل نہیں ان کو روزانہ نوٹسز جاری کرنے سے بھی روکا جائے۔
اٹارنی جنرل کا کہنا تھا کہ الیکشن کمیشن ہر روز وزیراعظم کو دو تین نوٹس جاری کر دیتا ہے، کیا الیکشن کمیشن نے کابینہ ڈویژن کا نوٹیفکیشن پڑھا کہ ہیلی کاپٹر کا خرچہ وزیراعظم خود دینگے۔
الیکشن کمیشن کی بات درست ہے کہ سرکاری خرچے پر کمپین نہیں کی جا سکتی، جسٹس عامر فاروق
جسٹس عامر فاروق نے ریمارکس دیئے کہ الیکشن کمیشن نے لکھا ہے کہ وزیراعظم نے سرکاری مشینری استعمال کی، الیکشن کمیشن کی بات درست ہے کہ سرکاری خرچے پر کمپین نہیں کی جا سکتی۔
وکیل الیکشن کمیشن نے عدالت کو بتایا کہ الیکشن کمیشن نے بلاول بھٹو کو بھی نوٹس جاری کیا ہے، اس پر اٹارنی جنرل خالد جاوید خان نے کہاکہ بہت شکریہ آپ کا، گزشتہ سال کی ویڈیوز موجود ہیں الیکشن کمیشن نے کچھ نہیں کیا۔
اٹارنی جنرل نے کہا کہ وزیراعظم جلسے کیلئے جانے لگتے ہیں نوٹس آ جاتا ہے۔
الیکشن کمیشن کو کوڈ آف کنڈکٹ کی خلاف ورزی نظر آئے تو نوٹس کر سکتا ہے، اسلام آباد ہائی کورٹ
عدالت نے ریمارکس دیئے کہ الیکشن کمیشن کو کوڈ آف کنڈکٹ کی خلاف ورزی نظر آئے تو نوٹس کر سکتا ہے، الیکشن کمیشن نوٹس پر جرمانہ اور نااہلی نہیں کرے گا۔
اسلام آباد ہائی کورٹ نے کیس کی مزید سماعت 6 اپریل تک ملتوی کر دی۔
واضح رہے کہ درخواست کی گزشتہ سماعت میں جسٹس عامر فاروق نے اٹارنی جنرل خالد جاوید خان کو کیس میں معاونت کی ہدایت دیتے ہوئے طلب کیا تھا۔
قومی خبریں سے مزید
-
Table of Contents
عمران خان کی دیڑھ گھنٹے کی تقریر پر شہباز شریف کے فقط دو الفاظ
شہباز شریف نے عمران کی تقریر پر ردعمل دیتے ہوئے ٹوئٹر پر مختصر ترین پیغام جاری کیا۔
-
عثمان بزدار کے خلاف تحریک عدم اعتمادجمع
پنجاب میں وزیر اعلیٰ عثمان بزدار کے خلاف تحریک عدم اعتمادجمع کروا دی گئی۔
-
رمضان میں گرمی بڑھ جائے گی، چیف میٹرو لوجسٹ
چیف میٹرو لوجسٹ سردار سرفراز کا کہنا ہے کہ رمضان میں گرمی بڑھ جائے گی
-
خواجہ آصف نے ’دھمکی آمیز‘ خط پر میم شیئر کردی
وفاقی دارالحکومت اسلام آباد میں حکمران جماعت کے امر بالمعروف جلسے میں عمران خان کی جانب سے ’دھمکی آ میز خط‘ کا تذکرہ سوشل میڈیا پر مذاق بن گیا۔
-
اللّٰہ کے سوا کسی سہارے پر انحصار نہیں کرنا، اسد عمر
وفاقی وزیر برائے منصوبہ بندی اسد عمر کا کہنا ہے کہ اللّٰہ کے سوا کسی سہارے پر انحصار نہیں کرنا
-
ق لیگ سے معاملات طے نہیں پائے، معاملہ ففٹی ففٹی ہے، رانا ثناء
مسلم لیگ ن کے رہنما رانا ثناء اللّٰہ کاکہنا ہے کہ ق لیگ سے معاملات طے نہیں پائے، معاملہ ففٹی ففٹی ہے، عمران خان بے تکی کہانیاں سنا کے وزارت عظمیٰ تک آئے، سمجھ رہے ہیں جو لوگ گئے ہیں وہ واپس آجائیں گے۔
-
ملک میں 24 گھنٹےمیں کورونا سے1شخص کا انتقال
پاکستان میں پانچویں لہر کے دوران کورونا وائرس کے کیسز میں واضح کمی آئی ہے، ملک کورونا مریضوں کے حوالے سے مرتب کی گئی فہرست میں 47 ویں نمبر پر ہے۔
-
درخشاں تھانے میں تقفتیش کیلئے جدید کمپیوٹر لیب قائم
کراچی میں ڈسٹرکٹ ساؤتھ انویسٹی گیشن نے تفتیشی افسران کی معاونت کے لئے جدید کمپیوٹر لیب درخشاں تھانے میں قائم کی ہے، لیب میں تفتیشی افسران کے کمپیوٹر آپریٹرز ہونگے، تفتیش کے معیار کو بہتر بنانے کے لئے لاء گریجویٹ انسپکٹر لیگل اور انسپکٹرز انویسٹی گیشن بھی تعینات کئے گئے، مفت فوٹو کاپی جنریٹر سمیت دیگر سہولیات بھی مہیا کی گئی ہیں تاکہ تفتیش کا معیار بہتر ہو۔
-
کوئٹہ میں ینگ ڈاکٹرز کی گرفتاریوں پر احتجاج
کوئٹہ کے سرکاری اسپتالوں میں ینگ ڈاکٹروں کا ساتھی ڈاکٹروں کی گرفتاری کے خلاف احتجاج جاری ہے جس کے باعث 4 روز سے ایمرجنسی سروسز بھی بند ہیں۔احتجاج کے باعث مریضوں کو شدید مشکلات کا سامنا ہے۔
-
کپتان پھر جیت گیا، وزیراعلیٰ پنجاب
وزیراعلیٰ پنجاب عثمان بزدار اور وزیراعلیٰ خیبرپختونخوا محمود خان نے تحریک انصاف کے گزشتہ روز ہونے والے جلسے پر اپنا موقف بیان کردیا۔
-
مسلم لیگ (ن) کا مارچ سرائے عالمگیر پہنچ گیا
مریم نواز اور حمزہ شہباز کی قیادت میں (ن) لیگ کا مہنگائی مکاؤ مارچ سرائے عالمگیر پہنچ گیا جس کے بعد مارچ آج اسلام آباد روانہ ہوگا۔
-
عمران نے آج بھی بھٹو زندہ ہے کہہ کر سرپرائز دیا، بلاول
اس موقع پر بلاول بھٹو زرداری نے کہا کہ عمران خان کا سرپرائز یہ تھا کہ بھٹو زندہ ہے۔
-
عمران خان خود پرچی سے پڑھ کر تقریر کرنے پر آگئے
کیا وزیراعظم کو یہ معلوم ہوگیا ہے کہ خارجہ معاملات پر بات کرنے سے پہلے نوٹس دیکھ لینے چاہییں؟
-
وزیراعظم کے خطاب پر شہباز شریف کا ردعمل
مسلم لیگ (ن) کے صدر اور اپوزیشن لیڈر شہباز شریف نے وزیراعظم عمران خان کے خطاب پر ردعمل دیا ہے۔
-
ن لیگی پیشکش پر ق لیگ نے مہلت مانگ لی، اندرونی کہانی سامنے آگئی
اپوزیشن کی سب سے بڑی جماعت مسلم لیگ (ن) کی حکومتی اتحادی ق لیگ کے رہنماؤں سے ملاقات کی اندرونی کہانی سامنے آگئی۔
-
پی ٹی آئی جلسے میں مغرب کے وقت پر فجر کی اذان
جب پنڈال میں مغرب کی اذان کا وقت ہوا تو فیصل جاوید نے شرکاء کو یہ کہہ کر خاموش کروایا کہ اذان کا وقت ہوگیا ہے۔