انسداد دہشتگردی کی عدالت نے اسلام آباد ہائیکورٹ حملہ کیس میں گرفتار 2 وکلاء کو رہا کرنے کا حکم دیدیا۔

انسداد دہشتگردی کی عدالت کے جج راجا جواد عباس حسن نے پولیس رپورٹ پر حکم جاری کرتے ہوئے ظفرعلی وڑائچ اور شعیب شیخ ایڈووکیٹ کی رہائی کے احکامات جاری کیے ۔

Table of Contents

x
Advertisement

پولیس نے دونوں وکلاء کے بارے میں مقدمہ اخراج کی رپورٹ جمع کرائی تھی۔

رپورٹ میں پولیس کا کہنا تھا کہ وکلاء ظفر وڑائچ اور شعیب شیخ کے خلاف شواہد نہیں، ان کے خلاف مقدمہ ڈسچارج کیا جاتا ہے۔

واضح رہے کہ اسلام آباد ہائیکورٹ حملہ کیس کی تحقیقات کیلئے چیف کمشنر نے جے آئی ٹی تشکیل کا نوٹیفیکیشن بھی جاری کیا ہے۔

نوٹیفکیشن کے مطابق جے آئی ٹی میں پولیس اور حساس اداروں کے نمائندے، ایس ایس پی انویسٹی گیشن، ایس ایس پی سی ٹی ڈی، ایس پی صدر، ایس ڈی پی او اور ایس ایچ او مارگلہ کے علاوہ آئی ایس آئی اور آئی بی کے نمائندے بھی شامل ہوں گے۔

قومی خبریں سے مزید