Categories
Breaking news

اسلام آباد: ڈاکو گھر کا صفایا کرگئے، ریڈ زون میں فائرنگ سے خوف و ہراس

اسلام آباد کے تھانہ آبپارہ کے علاقے جی سکس فور میں دن دیہاڑے ڈکیت گھر کا صفایا کر گئے، پارلیمنٹ اور ریڈ زون سے چند فرلانگ پر گولیوں کی گونج سے شہریوں میں خوف و ہراس بڑھ گیا۔

وفاقی دارالحکومت اسلام آباد میں جرائم کی لہر بدستور بے قابو ہے، ریڈ زون سے چند فرلانگ کے فاصلے پر دن دیہاڑے ڈکیتی کی واردات ہوئی، ڈکیت فائرنگ کرتے ہوئے باآسانی فرار ہونے میں کامیاب رہے۔

آئی جی اسلام آباد قاضی جمیل الرحمان کو عہدے سے ہٹادیا گیا

آئی جی اسلام آباد کو ہٹانے کا نوٹی فکیشن جاری کردیا گیا۔

ماڈل پولیس، سیف سٹی کیمرے ایگل اسکواڈ و دیگر پولیس کے حربے شہریوں کو محفوظ نہ کر پائے۔

لوٹے جانے والے شہری کا کہنا ہے کہ پولیس ڈاکوؤں کے فرار کے وقت پہنچی مگر پکڑنے میں ناکام رہی۔

تھانہ آبپارہ پولیس کا کہنا ہے ملزمان کے تعاقب کے دوران فائرنگ ہوئی، ملزمان کے فائر پولیس وین پر بھی لگے۔

پولیس کا کہنا ہے کہ ملزمان سے لوٹا گیا سامان چھیننے میں کامیاب رہے تاہم ملزمان پر گرفت نہ ہو سکی۔

قومی خبریں سے مزید

Original Article

Leave a Reply

Your email address will not be published.