Categories
Breaking news

اسلام آباد: چیئرمین سینیٹ سے چینی سفیر کی ملاقات

Advertisement
اسلام آباد: چیئرمین  سینیٹ سے چینی سفیر کی ملاقات

Advertisement

چیئرمین سینیٹ محمد صادق سنجرانی سے چین کے سفیر یاؤ جنگ نے ملاقات کی ہے۔

اسلام آباد میں ہونے والی ملاقات میں سی پیک، ترقیاتی منصوبوں، کورونا وائرس کے باعث پیدا صورتحال سمیت دیگر اہم امور پر تبادلہ خیال کیا گیا۔

چینی سفیر نے کہا کہ پاکستان ہمارا دیرینہ اور بے مثال دوست ہے، سی پیک کے منصوبوں پر تیزی سے کام جاری ہے۔

انہوں نے مزید کہا کہ گوادر پورٹ، گوادر کے ترقیاتی عمل پر بھی کافی پیشرفت ہوچکی ہے۔

صادق سنجرانی نے کہا کہ سی پیک کے منصوبے اور گوادر میں ترقیاتی پراجیکٹس جلد مکمل کیے جائیں گے، ترقیاتی عمل کی بدولت بلوچستان کے عوام کا معیار زندگی بہتر بنایا جاسکتا ہے۔

ان کا کہنا تھا کہ پاکستان اور خصوصاً بلوچستان میں سرمایہ کاری کیلئے وسیع مواقع ہیں، چین کے سرمایہ کار کثیر الجہتی شعبوں میں سرمایہ کاری کر سکتے ہیں۔

چیئرمین سینیٹ نے مزید کہا کہ بلوچستان میں سرمایہ کاری کا فائدہ صوبے کے عوام کو پہنچے گا، کورونا وبا کے دوران چین کی معاونت اور امداد پر شکریہ ادا کرتے ہیں۔

انہوں نے یہ بھی کہا کہ پاکستان اور چین کے تعلقات تاریخ کی ہر آزمائش پر پورے اترے ہیں، سی پیک خطے کا شاندار مستقبل اور پاک چین دوستی کا مظہر ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *