کیپیٹل ڈیولپمنٹ اتھارٹی (سی ڈی اے) نے اسلام آباد کی ایف ایٹ کچہری میں وکلاء کے مزید غیر قانونی چیمبرز گرانے کے لیے نوٹس لگا دیئے گئے۔

سی ڈی اے کی جانب سے یہ نوٹس وکلاء کے چیمبرز کے باہر لگائے گئے ہیں۔

Table of Contents

x
Advertisement

لگائے گئے تازہ نوٹسز میں لکھا ہے کہ فٹ پاتھوں پر بنائے گئے وکلاء کے چیمبرز غیر قانونی ہیں، نوٹس کے ذریعے پیشگی اطلاع دی جاتی ہے کہ وکلاءچیمبرز غیر قانونی طور پر تعمیر کیئے گئے ہیں۔

دوسری جانب عدالت میں توڑ پھوڑ کے الزام میں تھانہ مارگلہ میں بھی وکلاء کے خلاف ایف آئی آر درج کی گئی ہے جس میں 15 وکیلوں کو نامزد کیا گیا ہے۔

ایف آئی آر ایف ایٹ کچہری (ڈسٹرکٹ کورٹ ) کے سیکیورٹی انچارج نیک محمدکی مدعیت میں درج کی گئی ہے۔

یہ بھی پڑھیے

اسلام آباد ہائی کورٹ کی عدالتیں تا حکم ثانی بند، رجسٹرار اسلام آباد ہائی کورٹ

ایف آئی آر کے متن میں کہا گیا ہے کہ صبح ساڑھے 8 بجے مشتعل وکلاء ڈنڈوں اور اینٹوں کے ساتھ ضلعی کچہری پر حملہ آور ہوئے، وکلاء نے پولیس کو گالیاں دی، جان سے مارنےکی دھمکیاں اور اسلحہ چھیننے کی کوشش کی۔

ایف آئی آر کے متن میں کہا گیا ہے کہ وکلاء نے کچہری میں توڑ پھوڑ کی جس سے سائلین میں خوف و ہراس پھیلا، وکلاء نے کچہری کی عمارت کے دروازے اور کھڑکیوں کے شیشے توڑے۔

قومی خبریں سے مزید