وفاقی دارالحکومت اسلام آباد کی انتظامیہ نے شب برات پر قبرستانوں میں عوامی اجتماع پر پابندی لگادی۔

اسلام آباد میں کورونا وائرس کے پھیلاؤ کے پیش نظر ضلعی انتظامیہ سخت اقدامات اٹھالیے اور اس حوالے سے نوٹیفکیشن بھی جاری کردیا ہے۔

ڈپٹی کمشنر اسلام آباد نے نیشنل کمانڈ آپریشن سینٹر (این سی او سی) کی ہدایت پر کورونا وائرس کا پھیلاؤ روکنے کے اقدامات پر مبنی نیا نوٹیفکیشن جاری کردیا ہے۔

نوٹیفکیشن کے مطابق یکم اپریل سے شادی ہالز کے اندر اور باہر شادی اور دیگر تقریبات پر پابندی عائد ہوگی۔

اسلام آباد انتظامیہ نے اسپورٹس ٹورنامنٹ، سوشل، کلچرل تقریبات اور مذہبی اجتماعات پر بھی پابندی عائد کی ہے۔

نوٹیفکیشن کے مطابق شب برات پر بھی اسلام آباد کے قبرستانوں میں عوامی اجتماع کی اجازت نہیں ہوگی۔

ضلعی انتظامیہ کے مطابق ایچ ایٹ اور ایچ الیون کے قبرستانوں میں شب برات کو دن اور رات کے اجتماع روکے جائیں گے۔

نوٹیفکیشن میں یہ بھی کہا گیا کہ قبرستانوں میں میتوں کی تدفین کورونا ایس او پیز کے مطابق ہی کی جائے گی۔

قومی خبریں سے مزید