Categories
Breaking news

اسلام آباد بلدیاتی الیکشن: کاغذات نامزدگی جمع کرانے کا عمل مکمل

اسلام آباد بلدیاتی الیکشن: کاغذات نامزدگی جمع کرانے کا عمل مکمل

وفاقی دارالحکومت اسلام آباد میں بلدیاتی الیکشن کے لیے کاغذات نامزدگی جمع کرانے کا عمل مکمل ہوگیا۔

الیکشن کمیشن آف پاکستان (ای سی پی) کے مطابق اسلام آباد کی 1211 نشستوں پر 3 ہزار 866 امیدواروں نے کاغذات نامزدگی جمع کرائے ہیں۔

ای سی پی کے مطابق وفاقی دارالحکومت میں بلدیاتی الیکشن 31 دسمبر کو ہوں گے۔

الیکشن کمیشن کے مطابق چیئرمین اور وائس چیئرمین کی 101 نشستوں کے لیے 537 کاغذات نامزدگی جمع کرائے گئے۔

جنرل ممبر کی 606 نشستوں کے لیے1 ہزار 945 کاغذات اور خاتون ممبر کی 202 نشستوں کے لیے 546 کاغذات نامزدگی جمع کرائے گئے ہیں۔

ای سی پی کے مطابق نوجوان ممبران کی 101 نشستوں کے لیے 344، مزدوروں اور کسان ممبر کی 101 نشستوں کے لیے 348 اور غیر مسلم کی 101 نشستوں کے لیے 146 کاغذات نامزدگی جمع ہوئے ہیں۔

شیڈول کے مطابق امیدواروں کی فہرست 14 نومبر کو جاری کی جائے گی جبکہ کاغذات نامزدگی کی جانچ پڑتال 18 نومبر تک جاری رہے گی۔

قومی خبریں سے مزید

Original Article

Leave a Reply

Your email address will not be published. Required fields are marked *