اسلام آباد ہائیکورٹ :نور مقدم قتل کیس، سزا کیخلاف اپیل پر سماعت

نور مقدم قتل کیس کے مجرموں کی سزا کے خلاف اپیل پر اسلام آباد ہائیکورٹ میں سماعت ہوئی۔

نور مقدم کے والد شوکت مقدم کی مجرموں کی سزاؤں میں اضافے اور بریت کے خلاف اپیلوں کی سماعت ہوئی۔

چیف جسٹس عامر فاروق اور جسٹس سردار اعجاز اسحاق خان نے اپیلوں کو یکجا کرکے سماعت کی، مدعی مقدمہ شوکت مقدم اپنے وکیل شاہ خاور کے ہمراہ عدالت میں پیش ہوئے۔

مرکزی مجرم ظاہر جعفر کے وکیل عثمان کھوسہ نے دلائل کا آغاز کیا، انہوں نے کہا کہ ظاہر جعفر کی دماغی حالت کبھی بھی چیک نہیں کی گئی۔

اس پر عدالت نے وکیل سے سوال کیا کہ آپ یہ کہنا چاہتے ہیں کہ اس کا میڈیکل چیک اپ نہیں کیا گیا؟ ویسے آپ کو کس نے ہائر کیا ہے؟

اس پر وکیل نے جواب دیا کہ ظاہر جعفر کے والد جیل گئے اور وکالت نامے پر دستخط کروائے۔

اس پر عدالت نے جواب دیا کہ مجرم اگر وکیل ہائر کرسکتا ہے تو وہ کیسے اس قسم کے اعتراضات اٹھا سکتا ہے؟ اگر کورٹ نے جیل سے میڈیکل چیک اپ کرایا تو اس کے بعد آپ نے کوئی اعتراض اٹھایا؟

مدعی مقدمہ کے وکیل شاہ خاور نے کہا کہ ان کی درخواست ٹرائل کورٹ سے خارج ہوئی لیکن اس کو چیلنج نہیں کیا گیا۔

اس پر عدالت نے میڈیکل بورڈ بنانے کے حوالے سے ظاہر جعفر کی درخواست کا آرڈر پڑھنے کی ہدایت کی، اس پر وکیل نے کہا کہ پیپر بکس میں نہ درخواست، نہ رپورٹ اور نہ ہی کوئی تفصیلی آرڈر ہے۔

عدالت نے مدعی مقدمہ کے وکیل سے سوال کیا کہ کیا آپ کے پاس کوئی کاپی ہے؟ دوران سماعت میڈیکل کے حوالے سے ظاہر جعفر کی درخواست اور تفصیلی آرڈر بھی عدالت میں پیش کیا گیا۔

وکیل نے کہا کہ 12 میں سے 9 ملزمان بری ہونے پر 75 فیصد کیس ہی غلط ثابت ہوگیا، مجرم کی کبھی بھی دماغی حالت کا چیک اپ نہیں کیا گیا، جو اس کا بنیادی حق ہے۔

شاہ خاور ایڈووکیٹ نے کہا کہ مجرم کی جانب سے ذہنی معائنے کی درخواست دائرکی گئی، جو خارج ہوگئی تھی۔

عدالت نے کہا کہ ٹرائل کورٹ نے تفصیلی آرڈر کیا ہوا ہے، اس میں وجوہات بھی لکھی ہیں، 13 گواہیاں ہوچکی تھیں، 6 گواہ رہتے تھے تو آپ اس کو چیلنج کرسکتے تھے۔

ظاہر جعفر کے وکیل نے ملزمان کی طبی حالت کے سے متعلق سپریم کورٹ کا فیصلہ پڑھ کر سنایا، جس پر مدعی مقدمہ کے وکیل نے کہا کہ سب سے پہلے ٹرائل کورٹ نے طے کرنا ہوتا ہے، سپریم کورٹ کے فیصلے میں بھی یہی ہے۔

عدالت نے وکیل عثمان کھوسہ سے استفسار کیا کہ کیا ایف آئی آر میں کچھ دیر تھی؟

وکیل نے کہا کہ 20 جولائی کو رات ساڑھے 11 بجے مقدمہ درج کیا گیا، ایف آئی آر سے پہلے یہ سارے اکٹھے ہوکر آپس میں مشورہ کرتے رہے۔

ظاہر جعفر کے وکیل نے مزید کہا کہ اس کیس میں جو شکوک و شبہات ہیں اس کا فائدہ مجھے دیں۔

چیف جسٹس عامر فاروق نے کہا کہ کرمنل لاء میں ہر ججمنٹ کا اپنا بیک گراؤنڈ ہوتا ہے۔

قومی خبریں سے مزید

Original Article

مرکزی ملزم ظاہر جعفر نور مقدم کو قتل کرنے کے الزام سے مکرگیا

الیکشن کمیشن کا پنجاب میں بلدیاتی الیکشن اپریل کے آخری ہفتے میں کرانے کا اعلان

آرمی چیف جنرل عاصم منیر کی عہدہ سنبھالنے کے بعد وزیراعظم سے ملاقات

ملک میں سودی نظام کے خاتمے کیلئے پرعزم ہیں، اسحاق ڈار

لندن: پراپرٹیز کیلئے جنگ، فاروق ستار نے بانیٔ متحدہ کیخلاف گواہی دیدی

پاک انگلینڈ کرکٹ میچ، پارکنگ اور ٹریفک پلان جاری

نواز شریف کیخلاف سازش کرتے وقت آپکو قائد اعظم کا یہ فرمان یاد نہیں آیا؟ مریم نواز

سود کا مسئلہ صرف مذہبی لوگوں کا نہیں سب کا ہے، مولانا فضل الرحمان

پرویز الٰہی ایسے اسمبلی چلاتے ہیں جیسے گجرات کی ضلع کونسل ہو، عطا تارڑ

عمران خان نے ٹوئٹ میں قائد اعظم کے خطاب کی غلط تاریخ لکھ دی

کراچی: خاتون، 3 بچیوں کا قتل، ملزم کے بیان کی ویڈیو سامنے آگئی

کراچی: خاتون، 3 بچیوں کا قتل، پوسٹمارٹم کی تفصیلات

کوئٹہ: خودکش دھماکے میں شہید اہلکار کی نمازِ جنازہ ادا

سپریم کورٹ کا سوئی سدرن ملازمین کا کیس لارجر بینچ کے سامنے مقرر کرنے کا حکم

عمران خان کی جنرل ساحر اور جنرل عاصم کو عہدہ سنبھالنے پر مبارکباد

مولانا فضل الرحمٰن کیخلاف ایف آئی آر درج کروائیں گے، ڈاکٹر یاسمین راشد

جھنگ سے بینکنگ فراڈ میں ملوث 3 ملزم گرفتار

نور مقدم قتل: ملزم کی میڈیکل بورڈ کی درخواست پر فیصلہ محفوظ