اسلام آباد میں ٹارگٹڈ آپریشن ابھی تک جاری ہے: بابر اعوان

بابر اعوان—فائل فوٹو

پاکستان تحریکِ انصاف (پی ٹی آئی) کے رہنما بابر اعوان کا کہنا ہے کہ اسلام آباد میں ایک ٹارگٹڈ آپریشن شروع ہوا جو ابھی تک جاری ہے۔

رہنما پی ٹی آئی بابر اعوان نے میڈیا سے گفتگو کرتے ہوئے کہا کہ اسلام آباد میں تشویش ناک صورتِ حال پیدا کی گئی ہے۔

ان کا کہنا ہے کہ امن و امان کی صورتِ حال بگڑ چکی ہے، دفاع کے وزیر مضحکہ خیز بیانات دیتے ہیں۔

بابر اعوان نے کہا کہ امریکا کے افغانستان سے جانے کے بعد عمران خان نے افغانیوں کے دل جیتے، اس وقت مغربی بارڈرز پر نقصان اٹھانا پڑ رہا ہے۔

ان کا مزید کہنا ہے کہ حکومت ایک طرف لگی ہے کہ کیسے عمران کو نکالیں اور دونوں اسمبلیاں نہ ٹوٹیں، حکمرانوں کو اب عوام کا خوف ہے۔

پاکستان تحریکِ انصاف (پی ٹی آئی) کے رہنما بابر اعوان کا یہ بھی کہنا ہے کہ ماضی میں حکومت توڑنے پر پٹاخے بجائے جاتے تھے۔

قومی خبریں سے مزید

فائیو جی کو بزنس فرینڈلی بنانے کی کوشش ہو رہی ہے، امین الحق