اسلام آباد بلدیاتی انتخابات:پی ٹی آئی کی درخواست غیر مؤثر قرار

—فائل فوٹو

اسلام آباد ہائی کورٹ نے اسلام آباد کے بلدیاتی انتخابات کیس سے متعلق الیکشن کمیشن کا 20 دسمبر کا نوٹیفکیشن کالعدم قرار دینے کے خلاف پی ٹی آئی کی درخواست غیر مؤثر قرار دے دی۔

اسلام آباد ہائی کورٹ کے جسٹس محسن اختر کیانی کی سربراہی میں 2 رکنی بینچ نے سماعت کی۔

دورانِ سماعت پٹیشنر علی نواز اعوان کی جانب سے سردار تیمور ایڈووکیٹ عدالت میں پیش ہوئے۔

ایڈیشنل اٹارنی جنرل نے عدالت کو بتایا کہ پارلیمنٹ سے قانون سازی ہوئی، اس پر مزید بات نہیں کروں گا۔

جسٹس محسن اختر کیانی نے کہا کہ یہ سارا نظام شہریوں کے لیے ہے، پارلیمنٹیرینز یا اداروں کے لیے نہیں، وفاقی حکومت یہ تو یقینی بنا سکتی ہے کہ فنڈز لوکل گورنمنٹ کو ملیں، پارلیمنٹیرینز کا کام قانون سازی ہے، سڑکیں، گلیاں بنوانا نہیں، پچھلی حکومت نے 5 سال مقامی حکومتوں کو کوئی فنڈ نہیں دیا، کیا ان حالات میں ہم الیکشن کمیشن کو بلدیاتی انتخابات کرانے کا حکم دے سکتے ہیں؟ ابھی تو الیکشن کمیشن وفاقی حکومت کی وجہ سے الیکشن نہیں کرا رہا، وفاقی حکومت اس عدالت کے سامنے انڈر ٹیکنگ دے چکی ہے۔

الیکشن کمیشن کے حکام نے عدالت کو بتایا کہ الیکشن کمیشن نے بلدیاتی انتخابات ملتوی کر دیے ہیں۔

عدالت نے استفسار کیا کہ کیا الیکشن کمیشن انتخابات کرانے میں دلچسپی نہیں رکھتا؟

الیکشن کمیشن کے حکام نے جواب دیا کہ یونین کونسلز کی تعداد بڑھنے کی وجہ سے الیکشن ملتوی کیے۔

جسٹس محسن اختر کیانی نے استفسار کیا کہ یہ بتائیں کیا وفاقی حکومت پہلے سوئی ہوئی تھی؟ ہم کیوں نہ ایڈمنسٹریٹر کی پاور کو معطل کر دیں، نہ پچھلی حکومت، نہ ہی یہ حکومت بلدیاتی انتخابات کرانا چاہتی ہے، اتنا سا شہر ہے، جس کا بیٹرا غرق کر دیا گیا ہے، سپریم کورٹ میں انڈر ٹیکنگ دی تھی پھر بھی الیکشن نہیں کرا رہے، یہ تو توہینِ عدالت کے زمرے میں آتا ہے۔

پی ٹی آئی کے وکیل نے کہا کہ 3 چیئرمین اور 50 ممبر بغیر الیکشن کے منتخب ہو چکے ہیں۔

جسٹس محسن اختر کیانی نے سوال کیا کہ جو بغیر الیکشن منتخب ہوئے ان کا کیا اسٹیٹس ہے؟ 2 سال سے اس شہر کو بے یار و مددگار چھوڑا ہوا ہے، الیکشن کمیشن کا یہ کام نہیں کہ حکومت کی طرف دیکھے، آپ کو آزادانہ الیکشن کرانے ہوتے ہیں، لوکل باڈیز کا فنڈ سی ڈی اے اور ایڈمنسٹریٹر کیوں استعمال کریں؟ سی ڈی اے کے پاس کوئی اختیار نہیں کہ لوکل گورنمنٹ کا فنڈ استعمال کرے، لوگوں کو یہاں پانی نہیں مل رہا، شہر کا کیا حال کر دیا گیا ہے۔

پی ٹی آئی کے وکیل نے کہا کہ صدر نے ابھی دستخط نہیں کیے، الیکشن کمیشن نے پہلے ہی سمجھ لیا کہ وہ قانون بن چکا ہے۔

ایڈیشنل اٹارنی جنرل نے عدالت کو بتایا کہ ان کی انٹرا کورٹ اپیل غیر مؤثر ہو چکی ہے، 125 یونین کونسلز ہوں گی تو لوگوں کو بہتر نمائندگی ملے گی۔

پی ٹی آئی کے وکیل نے دلائل دیتے ہوئے کہا کہ بلدیاتی انتخابات کے لیے امیدوار 50 کروڑ روپے سے زائد اخراجات کر چکے ہیں۔

قومی خبریں سے مزید

Original Article

مالی ایمرجنسی لگانےکی خبروں میں کوئی صداقت نہیں، وزارت اطلاعات

عمران خان کے اسکرپٹ رائٹربھارت اور اسرائیل میں بیٹھے ہیں، شرجیل میمن

پولیس اہلکار شہریار نے عامر پر 2 گولیاں چلائیں، اعترافی بیان

کراچی: نوجوان کا قتل، گرفتار 3 اہلکاروں کا جسمانی ریمانڈ منظور

اسپیکر تیار، پی ٹی آئی کا آج ملنے سے انکار

کراچی: نوجوان عامر کی ہلاکت، ایک اور ویڈیو سامنے آگئی

کراچی: پولیس کی فائرنگ سے ہلاک نوجوان کی پوسٹ مارٹم رپورٹ آ گئی

لاہور: یونیورسٹی میں فوٹو شوٹ کیخلاف مقدمے کی درخواست

سندھ حکومت کو 4 ماہ میں خصوصی افراد کی بھرتیاں مکمل کرنے کا حکم

بلاول زرداری کے اعصاب پر عمران خان سوار ہیں: بیرسٹر محمد علی سیف

کراچی: مقتول عامر کی نماز جنازہ آج نماز ظہر کے بعد ہو گی

اسپیکر قومی اسمبلی سے پی ٹی آئی کے وفد کی آج ملاقات متوقع

اسلام آباد خودکش دھماکے سے متعلق وزیرِ داخلہ رانا ثناء اللّٰہ کے انکشافات

کراچی کے طالبِ علم نے بورڈ کے پیپر میں گانا لکھ دیا، ویڈیو وائرل

وزیراعظم کی زیر صدارت وفاقی کابینہ کا اجلاس آج

کراچی، اتحاد ٹاؤن میں کار پر فائرنگ کی وجہ سامنے آگئی

الیکشن کمیشن، 31 دسمبر کو ہونے والے اسلام آباد کے بلدیاتی انتخابات ملتوی