اسلام آباد انتظامیہ رکاوٹیں ڈال رہی ہے، شبلی فراز

فائل فوٹو

پاکستان تحریک انصاف (پی ٹی آئی) کے رہنما شبلی فراز نے کہا ہے کہ مرکزی اسٹیج کو فیض آباد سے رحمان آباد منتقل کررہے ہیں۔

شبلی فراز نے فیض آباد مری روڈ پہنچ کر کہا کہ اسلام آباد انتظامیہ رکاوٹیں ڈال رہی ہے، اب نیا ڈراما شروع کردیا گیا ہے۔

تحریک انصاف کے رہنما نے کہا کہ جلسہ فیض آباد سے 2 کلو میٹر آگے مری روڈ پر ہی ہوگا۔

اس موقع پر صحافی نے شبلی فراز سے پوچھا کہ آپ کی پنجاب میں اپنی حکومت ہے یہاں سے کیوں ہٹا رہے ہیں۔

شبلی فراز نے جواب میں کہا کہ صوبائی انتظامیہ سے جب بات کرو تو وہ مسکرا دیتے ہیں۔

دوسری جانب راولپنڈی میں تحریک انصاف کے 26 نومبر کے جلسے کی تیاریوں سے متعلق انتظامیہ اور پولیس نے جلسے کے لیے سیکیورٹی پلان مرتب کرلیا ہے۔

قومی خبریں سے مزید

عمران خان کے ہیلی کاپٹر کی پریڈ گراؤنڈ میں لینڈنگ کی ایک اور درخواست