Categories
Breaking news

اسد عمر کی موجودگی میں عمران خان کے خلاف نعرے لگ گئے

اسد عمر کی موجودگی میں عمران خان کے خلاف نعرے لگ گئے

پاکستان تحریک انصاف کے جلسے میں نامعلوم شخص نے وزیراعظم عمران خان کے خلاف شدید نعرے بازی کردی جس کے بعد پی ٹی آئی کے کارکنان نے نامعلوم شخص کو بدترین تشدد کا نشانہ بنایا۔

راولپنڈی کےعلاقے گولڑہ موڑ پر تحریک انصاف کے جلسے میں ایک اور بدمزگی کا واقعہ پیش آیا، نامعلوم شخص نے جلسے کے دوران وزیراعظم عمران خان کے خلاف شدید نعرے بازی کردی۔

پی ٹی آئی کے کارکنان نے نامعلوم شخص کو شدید تشدد کا نشانہ بنایا اور ممبر صوبائی اسمبلی عمر تنویر کی گاڑی میں زبردستی بٹھا کر لےگئے۔

پی ٹی آئی جلسے میں عمران خان کے خلاف نعرے لگ گئے

جلسے کے دوران ایک شخص اسٹیج پر چڑھ گیا اور مائیک سنبھال کر عمران خان کے خلاف نعرہ لگادیا، نوجوان نےنو عمران ، اونلی عوام کا نعرہ لگایا۔

ویڈیو بنانے پر تحریک انصاف کے کارکنان نے میڈیا نمائندگان سے موبائل بھی چھیننےکی کوشش کی۔

پولیس واقع کے دوران تماش بین بنی رہی جہاں تحریک انصاف کے کارکنان پولیس اہلکار کے سامنے لڑکے کو تشدد کا نشانہ بناتے رہے۔

اس سے قبل 27 نومبر کو بھی پی ٹی آئی جلسے کے دوران ایسا ہی ایک واقعہ پیش آیا تھا، جلسے کے دوران ایک شخص اسٹیج پر چڑھ گیا تھا اور مائیک سنبھالنے کے بعد اس نے عمران خان کے خلاف نعرے لگا ئے تھے۔

جلسے میں موجود شخص اسد عمر اور دیگر کے خطاب کے بعد اسٹیج پر آیا اور ’نو عمران، ’اونلی عوام‘ کا نعرہ لگایا تھا۔

قومی خبریں سے مزید

Original Article

Leave a Reply

Your email address will not be published.