اسلام آباد ہائی کورٹ کے جسٹس محسن اختر کیانی نے آئی ایس آئی کے سابق ڈی جی اسد درانی کے کیس کی مزید سماعت سے معذرت کر لی۔

جسٹس محسن اختر کیانی کا اس حوالے سے کہنا ہے کہ کیس کا سارا بیک گراؤنڈ جانتا ہوں، فیصلہ لکھنے کے مرحلے میں تھا، یہ افسوس ناک ہے لیکن کچھ ایسی وجوہات ہیں جو بتانا نہیں چاہتا۔

انہوں نے یہ بھی کہا ہے کہ میں یہ کیس چیف جسٹس اسلام آباد ہائی کورٹ اطہر من اللّٰہ کو بھیج رہا ہوں، چیف جسٹس ہی اس کیس پر سماعت کے لیے نئے بنچ کا فیصلہ کریں گے۔

واضح رہے کہ لیفٹیننٹ جنرل ریٹائرڈ اسد درانی نے اسلام آباد ہائی کورٹ میں اپنا نام ای سی ایل سے نکالنے کی درخواست دائر کر رکھی ہے۔

یہ بھی پڑھیے

وزارتِ دفاع نے اپنے جواب میں اسد درانی کا نام ای سی ایل سے نکالنے کی مخالفت کی ہے۔

بھارتی ایجنسی ’را‘ کے سابق سربراہ کے ساتھ مل کر کتاب لکھنے پر اسد درانی کا نام ای سی ایل میں ڈالا گیا تھا۔

قومی خبریں سے مزید