ارشد شریف قتل کی پولیس تحقیقات میں تضادات ہیں: کینین رپورٹر

مقتول صحافی ارشد شریف کی یادگار تصویر، وہ گاڑی جس میں انہیں قتل کیا گیا—فائل فوٹو

کینیا کے نیوز چینل کی کرائم رپورٹر نگینہ کروری نے اعتراف کیا ہے کہ پاکستانی صحافی ارشد شریف کے قتل کی کینیا پولیس کی تحقیقات تضادات سے بھری ہوئی ہے۔

’جیو نیوز‘ سے گفتگو کرتے ہوئے کینیا کے نیوز چینل کی کرائم رپورٹر نگینہ کروری نے کہا کہ کینیا میں ہونے والی تحقیقات میں کئی خامیاں اور تضاد نظر آ رہے ہیں۔

ان کا کہنا ہے کہ پاکستانی ٹیم کینیا کے حکام کی نسبت جلد معاملے کی تہہ تک پہنچے گی، حقائق سامنے لانے کے لیے وقار احمد اور خرم احمد اہم گواہ ہیں۔

کینین کرائم رپورٹر نے کہا کہ سچ سامنے آئے گا لیکن لگتا نہیں کہ وہ کینیا پولیس یا وقار کی طرف سے سامنے آئے، سچ سامنے لانے کے لیے انڈی پینڈنٹ آرگنائزیشن کا کردار بھی اہم ہو گا۔

انہوں نے کہا کہ پولیس نے کہا کہ روڈ بلاک کیا تھا جبکہ وہاں چھوٹے پتھر تھے، ناکہ بندی بھی نہیں تھی، جی ایس یو کے افسران روڈ بھی بلاک نہیں کرتے۔

نگینہ کروری کا کہنا ہے کہ دونوں گاڑیوں کی نمبر پلیٹس بھی مختلف تھیں، پی این ایس نے ارشد شریف کے قتل کے واقعے سے متعلق واضح بیان بھی نہیں دیا۔

کینیا کے نیوز چینل کی کرائم رپورٹر کا مزید کہنا ہے کہ کینیا میں ارشد شریف کی پوسٹ مارٹم رپورٹ بھی جاری نہیں کی گئی۔

ان کا یہ بھی کہنا ہے کہ ابتداء میں خرم اور پاکستانی ہائی کمیشن نے پولیس کے مؤقف سے اتفاق کیا تھا لیکن پھر رائے تبدیل کر لی۔

کینیا پولیس کے ہاتھوں ارشد شریف کا قتل

کینیا میں موجود صحافی ارشد شریف کو 22 اور 23 اکتوبر کی درمیانی شب گاڑی میں جاتے ہوئے کینین پولیس نے فائرنگ کر کے قتل کر دیا تھا۔

کینیا پولیس کی جانب سے ارشد شریف کی موت کو شناخت کی غلطی قرار دے کر افسوس کا اظہار کیا گیا تھا۔

ایف آئی اے اور انٹیلی جنس بیورو کے افسران پر مشتمل ٹیم صحافی ارشد شریف کے قتل کی تحقیقات کے لیے 28 اکتوبر کو کینیا گئی تھی۔

مذکورہ ٹیم ارشد شریف کے قتل کی تحقیقات مکمل کرنے کے بعد کینیا سے پاکستان واپس پہنچ چکی ہے۔

قومی خبریں سے مزید

Original Article

ارشد شریف قتل: فیصل واؤڈا، مراد سعید FIA میں طلب

فرح اور شہزاد اکبر کے ریڈ وارنٹ جاری کرنے کی قرارداد جمع

وزیرِ اعظم اور وزیرِ داخلہ کی لکی مروت حملے کی شدید مذمت

کراچی: گولیمار کے گھر میں گیس دھماکا، میاں، بیوی،3 بچے زخمی

ممنوعہ فنڈنگ: عمران خان کی FIA میں طلبی کے نوٹسز معطل

لاہور: اورنج لائن ٹرین اسٹیشن سے ڈرون طیارہ ٹکرا گیا

لکی مروت: پولیس موبائل پر دہشتگردوں کا حملہ، 6 اہلکار شہید

سعودی عرب سے عمران خان کو ملے تحائف کی تصاویر منظرِ عام پر

بزنس مین عمر فاروق کے دعوؤں کے بعد اہم سوالات پیدا ہوگئے

کراچی ایئرپورٹ پر مسافر کی خودکشی کی کوشش

عمر فاروق نامی شخص کو گھڑی بیچی ہے تو کوئی ثبوت بھی ہونا چاہیے، فرح خان

لاہور ہائیکورٹ: سینیارٹی کی بنیاد پر آرمی چیف کے تقرر کیلئے دائر درخواست پر اعتراض

کراچی: پانی کی لائن کی کھدائی کے دوران ملبے تلے دب کر دو مزدور جاں بحق

احسن جمیل گجر نے عمر فاروق کے الزامات کی تردید کردی

پی ٹی آئی ایم این اے عثمان ترکئی کا پارٹی کے بڑے قائدین پر الزام

منگھوپیر میں واٹر بورڈ کے سپروائزر کے قتل میں ملوث ملزم گرفتار

عمران خان نے توشہ خانہ سے قانون کے مطابق گھڑی خریدی، فواد چوہدری

ارشد شریف قتل: وقار اور اہلیہ کی نیروبی پولیس کے سامنے پیشی کا حکم