Categories
Breaking news

ارشد شریف قتل کیس: وقار نے جان کے تحفظ کیلئے کینیڈین ہائی کمیشن سے رابطہ کرلیا

ارشد شریف قتل کیس: وقار نے جان کے تحفظ کیلئے کینیڈین ہائی کمیشن سے رابطہ کرلیا

سینئر صحافی اور اینکر پرسن ارشد شریف قتل کیس کے اہم کردار وقار نے کینیڈین ہائی کمیشن سے رابطہ کیا ہے۔

ذرائع کے مطابق وقار نے اپنی سلامتی سے متعلق خدشات کے بعد کینیڈین ہائی کمیشن سے رابطہ کیا اور استدعا کی کہ ارشد شریف کے قتل کے بعد جان کو خطرہ ہے، مجھے تحفظ کی ضرورت ہے۔

ارشد شریف قتل کیس کا ٹرائل پاکستان میں ہو سکتا ہے: عدالت

اسلام آباد ہائی کورٹ نے مقتول صحافی ارشد شریف کی پوسٹ مارٹم رپورٹ کے حصول کی درخواست نمٹا دی اور کہا ہے کہ اس کیس کا ٹرائل بھی پاکستان میں ہو سکتا ہے۔

کینیڈین سفارتی حکام نے وقار کو جواب دیا کہ ہم ذاتی حیثیت میں تحفظ فراہم نہیں کرسکتے، تاہم وقار کینیڈا کے تمام شہریوں کو حاصل سہولتوں کے حقدار ہیں۔

وقار اور خرم کے وکیل نے جیو نیوز سے گفتگو میں کہا کہ میرے موکل خوفزدہ ہیں، ان کی جان کو خطرہ ہے۔

انہوں نے مزید کہا کہ ارشد شریف کے قتل کے وقت خرم احمد وہ گاڑی چلا رہے تھے، جس پر پولیس نے گولیاں برسائیں تھی۔

ارشد شریف کی تفصیلی پوسٹ مارٹم رپورٹ جیونیوز نے حاصل کر لی

صحافی ارشد شریف کی تفصیلی پوسٹ مارٹم رپورٹ جیو نیوز نے حاصل کر لی، پوسٹ مارٹم رپورٹ 7 صفحات پر مشتمل ہے۔

ذرائع کے مطابق وقار احمد کینیڈا کی شہریت رکھتا ہے جبکہ خرم احمد نیروبی میں کام کرتا ہے اور وہیں رہتا ہے۔

ذرائع کے مطابق وقار احمد کے ایک اور بھائی کے پاس بھی کینیڈا کی شہریت ہے، وہ بھی وہیں رہتا ہے، وقار احمد، خرم اور جمشید خان ایموڈمپ کے بزنس پارٹنر ہیں۔

ارشد شریف قتل کیس کی تفتیش میں وقار احمد اور خرم احمد مرکزی کردار ہیں۔

قومی خبریں سے مزید

Original Article

Leave a Reply

Your email address will not be published. Required fields are marked *