اردو کے عظیم شاعر مرزا غالب کی 223 ویں سالگرہ

اردو زبان کے عظیم ترین شاعر مرزا اسد ﷲ خاں غالب کی آج 223 ویں سالگرہ منائی جارہی ہے۔

مرزا غالب 27 دسمبر 1797 کو آگرہ میں پیدا ہوئے۔ 5 سال کی عمر میں والد کی وفات کے بعد غالب کی پرورش چچا نے کی تاہم 4 سال بعد چچا کا سایہ بھی ان کے سر سے اٹھ گیا۔

Table of Contents

x
Advertisement

مرزا غالب کی 13 سال کی عمر میں امراء بیگم سے شادی ہوئی جس کے بعد انہوں نے اپنے آبائی شہر کو خیرباد کہہ کر دہلی میں مستقل سکونت اختیارکرلی۔

غالب شروع میں فارسی میں شاعری کرتے تھے اور اُس زمانے میں ’’اسد‘‘ ان کا تخلص تھا تاہم آگرہ سے دہلی آبسنے کے بعد انہوں نے اردو میں بھی شاعری کی۔

مرزا غالب اردو شاعری کا ایسا اثاثہ تھے جو ساری زندگی’ خرچ‘ کرنے پر بھی شاید ختم نہ ہو۔

غالب 15 فروری 1869 کو دہلی میں جہانِ فانی سے کوچ کرگئے لیکن جب تک اردو زندہ ہے ان کا نام بھی قائم و دائم رہے گا۔

غالب پرمتعدد کتابیں لکھی جاچکی ہیں جن میں ’دیوان ِ غالب‘،’آپ کے خطوط‘،’شرح دیوانِ غالب‘ اور ’کلیات مکتوبات ِ فارسی غالب‘ وغیرہ شامل ہیں۔

مرزا غالب پر کافی فلمیں بھی بنائی گئی جیسا کہ 1954 میں فلم ’مرزا غالب‘ بنی جس کا اہم کردار بھرت بھوشن نے ادا کیا۔ بھارتی حکومت نے قومی بہترین فلم اعزاز کا سلسلہ اسی سال سے شروع کیا اور پہلا ایوارڈ اسی فلم کو دیا گیا۔

سن 1988 میں فلمی شاعر اور بھارتی ادیب و دانشور گلزار نے بھی ’مرزا غالب ‘ کے نام سے ایک ٹی وی سیریل بنایا تھا، جس میں غالب کا کردار نصیر الدین شاہ نے ادا کیا تھا۔

قومی خبریں سے مزید