ترجمان سندھ حکومت بیرسٹر مرتضیٰ وہاب نے کہا ہے کہ اختیارات اور وسائل کا رونا رونے والی سابق بلدیاتی حکومت کی نیت ہی نہیں تھی، نیا بلدیاتی سیٹ اپ اُنہی وسائل اور اختیارات کے ساتھ کام بھی کررہا ہے اور کروڑوں روپے کی بچت کے علاوہ ملازمین کے رُکے ہوئے واجبات بھی ادا کررہا ہے۔

ڈی ایم سی کورنگی کے 150 ریٹائرڈ ملازمین کو واجبات ادا کرنے کی تقریب ہوئی۔

Table of Contents

x
Advertisement

ترجمان سندھ حکومت مرتضیٰ وہاب نے اس موقع پر کہا کہ ماضی میں بلدیاتی نمائندے اختیارات کا رونا روتے تھے، مگر نئے بلدیاتی سیٹ اپ نے ثابت کردیا کہ سابق بلدیاتی نمائندے کام کرنے کی نیت سے محروم تھے۔

یہ بھی پڑھیے

انہوں نے مزید کہا کہ نیا بلدیاتی سیٹ اپ اُن ہی وسائل کے ساتھ بہتر کام بھی کررہا ہے اور ملازمین کے رُکے ہوئے واجبات بھی ادا کررہا ہے۔

مرتضیٰ وہاب نے کہا کہ اختیارات کا رونا رونے والوں نے ماہانہ 2 کروڑ روپے پیٹرول کی مد میں خرچ کیے۔

قومی خبریں سے مزید