احسن اقبال کا عمران خان کی نفسیاتی کیفیت پر شبے کا اظہار

وفاقی وزیر احسن اقبال نے سابق وزیراعظم عمران خان کی نفسیاتی کیفیت پر شبے کا اظہار کیا ہے۔

ایک بیان میں احسن اقبال نے کہا کہ عمران خان پونے 4 سال وزیراعظم رہے ہیں، وہ اپنی جگ ہنسائی کروا رہے ہیں۔

انہوں نے کہا کہ عمران خان کو معلوم ہے کہ قومی سلامتی کمیٹی (این ایس سی) کے اعلامیہ میں رجیم چینج یا بیرونی سازش کا ذکر نہیں تھا۔

وفاقی وزیر نے مزید کہا کہ جب عمران خان نے اعلامیہ کو اپنے مطلب کا رنگ دینے کی کوشش کی تو ڈی جی آئی ایس پی آر کو تردید کرنا پڑی۔

اُن کا کہنا تھا کہ حالیہ این ایس سی کی میٹنگ میں خاص طور پر سفیر اسد مجید کو مدعو کیا گیا، جن سے ان کا مدعا پوچھا گیا کہ کیا آپ کے ذہن میں کوئی بیرونی سازش یا رجیم چینج کا عندیہ یا شبہ ملا ہو؟

احسن اقبال نے یہ بھی کہا کہ اسد مجید نے جواب دیا کہ کوئی بیرونی سازش کا اُن کے کیبل میں عندیہ نہیں تھا، پریمیئر اینٹیلی جنس ایجنسز نے بھی صاف طور پر کہا کہ ایسا کوئی ثبوت یا معلومات نہیں۔

انہوں نے کہا کہ اسد مجید اور اینٹیلی جنس ایجنسیز نے تصدیق کی کہ امریکا کی طرف سے رجیم چینج سازش کا ثبوت نہیں، ایک سینئر افسر نے کہا کہ اگر ایسی چیز علم میں آتی تو اس میز پر نہ بیٹھے ہوتے سازش ناکام بنانے کے لیے کام کرتے۔

وفاقی وزیر نے کہا کہ انٹیلی جنس ایجنسیز کی نظر ہر کسی پر ہوتی ہے اگر کوئی سازش ہوتی ہے تو خلا میں نہیں زمین پر ہوتی ہے، ہمارے ایجنسیز کوئی ٹمک پور ریپلک کی ایجنسیاں نہیں، یہ ایک ایٹمی طاقت کی ایجنیسز ہیں۔

اُن کا کہنا تھا کہ ہماری ایجنسیز کی کارکردگی کو دنیا میں ٹاپ ایجنسیز کے طور پر تسلیم کیا جاتا ہے، میٹنگ میں ہر لحاظ سے نفی ہوئی ہے کہ امریکا کی طرف سے کسی سازش کا کوئی ثبوت اور نہ ہی وجود ہے۔

احسن اقبال نے کہا کہ اپنے ذہنی منصوبوں، مائنڈ گیم کے لیے عمران خان نے پاکستان کی سیکیورٹی کو خطرات میں جھونک دیا تھا، لگتا ہے سابق وزیراعظم کسی ذہنی مفروضے کا شکار ہیں، مجھے ان کی نفسیاتی کیفیت پر شبہ ہو رہا ہے۔

انہوں نے کہا کہ عمران خان نے 6 ہفتے کے لیے 3 کلیدی سیکیورٹی مراکز پشاور کور، کراچی کور اور ڈی جی آئی ایس آئی کو لیڈر لیس کردیا تھا۔

وفاقی وزیر نے کہا کہ عمران خان تو دعا گو تھے کہ کاش ان کے خلاف عدم اعتماد آئے، سابق وزیراعظم نے ہمارے لیے ٹریپ لگایا ہوا تھا لگتا ہے وہ الٹا خود اس ٹریپ کا شکار ہوگئے تو انہیں امریکی سازش یاد آگئی۔

اُن کا کہنا تھا کہ عمران خان پاکستان کے کلیدی مفادات اور خارجہ پالیسی کے ساتھ کھیل رہے ہیں، یہ مراسلہ چیف جسٹس آف پاکستان کو ارسال کرچکے ہیں، عدالت سمجھے گی کہ خطرناک بات ہے تو از خود نوٹس لے سکتی ہے۔

احسن اقبال نے کہا کہ امریکا میں ان کا کوئی ڈپلومیٹ بات کرے گا تو اپنی ملک کے پالیسی ابجیکٹیو کے لیے بات کرے گا، پاکستان کو یوکرین کے مؤقف کی سپورٹ اس لیے نہیں کرنی چاہیے تھی کہ ہم امریکا کو خوش کرنا چاہتے ہیں۔

انہوں نے کہا کہ یوکرین کے موقف کی سپورٹ اس لیے کرنی چاہیے کہ ہمارے ساتھ بھی بڑا دوشمن پڑوسی ہے، کل کو وہ ہمارے خلاف جارحیت کرے تو کوئی ہمارے ساتھ کھڑا نہیں ہوگا۔

وفاقی وزیر کا کہنا تھا کہ فارن فنڈنگ کیس میں عمران خان کے خلاف دو جمع دو ،چار موجود ہیں، سابق وزیراعظم ممکنہ فیصلے سے ڈرتے ہوئے الیکشن کمیشن کو متنازع کرنا چاہتے ہیں۔

اُنہوں نے کہا کہ عمران خان حملہ کر رہے ہیں کہ شاید الیکشن کمیشن ڈر کر اپنے مؤقف سے پیچھے ہٹ جائے، سابق وزیراعظم اگر سڑکوں کو ناپنا چاہتے ہیں تو ہم نے بڑی سڑکیں بنائی ہیں ناپیں اور مارچ کریں، یہ یہی کچھ کرسکتے ہیں اور تو کچھ انہیں آتا ہی نہیں، کنٹینر پر تقریریں کریں۔

قومی خبریں سے مزید

Original Article

معاہدوں پر عمل نہ کیا گیا تو عدالت بھی جاسکتے ہیں، کنوینر ایم کیو ایم

عمران دور حکومت میں گردشی قرض 2400 ارب سے زائد ہوچکا، مصدق ملک

حضرت علیؓ کا یوم شہادت کراچی میں بھی عقیدت واحترام سے منایا گیا

عمران خان کی بیرونی سازش کی تکرار سیاسی مظلوم بننے کی ناکام کوشش ہے، جاوید لطیف

اسلام آباد پولیس نے 3 دن کا مغوی بچہ بازیاب کرالیا

جی ہاں، آپ کو بلاول ہاؤس نے اقتدار سے نکالا، فیصل کنڈی کا عمران خان کو جواب

لاہور: پٹرول فروخت کرنے والی دکان میں آتشزدگی، 2 افراد جاں بحق

حمزہ شہباز کی حلف برداری میں تاخیر کا امکان

ریحام خان نے پی ٹی آئی سے عثمان بزدار سے متعلق سوال پوچھ لیا

خط کے ڈرامے کی وجہ عارف نقوی کے خلاف متوقع فیصلہ ہے، مریم نواز

عمران خان اقتدار سے باہر ہوکر حواس کھو بیٹھے ہیں، وزیراطلاعات سندھ

اتحاد اور اتفاق سے بلوچستان کے مسائل کے حل کیلئے آگے بڑھیں گے، شہباز شریف

مارچ میں پاکستان کا کرنٹ اکاؤنٹ خسارہ 1ارب 2 کروڑ ڈالر رہا

این ٹی ڈی سی نے کےالیکٹرک کو بجلی سپلائی میں کمی کا دعویٰ مستردکردیا

کراچی: ارتھ ڈے پر بین المذاہب ہم آہنگی کا مظاہرہ، جرمن قونصلیٹ کے تحت خاص تقریب

ایم پی اے فیصل زمان کے فرار کے معاملے پر جوڈیشل کمیشن بنانے کا مطالبہ