Categories
Breaking news

اجازت ملے یا نہ ملے نوشہرہ، پشاور میں جلسے کریں، بلاول کی پارٹی قیادت کو ہدایت

فوٹو: اسکرین شاٹ
فوٹو: اسکرین شاٹ

چیئرمین پاکستان پیپلز پارٹی (پی پی پی) بلاول بھٹو زرداری نے خیبرپختونخوا کی پارٹی قیادت کو ہدایت کی ہے کہ حکومت کی طرف سے اجازت ملے یا نہ ملے، نوشہرہ اور پشاور میں جلسے کریں۔

چیئرمین پیپلز پارٹی سے اسلام آباد میں پی پی پی خیبر پختونخوا کی قیادت نے ملاقات کی۔

اس ملاقات میں مجموعی سیاسی صورت حال اور کے پی میں بلدیاتی انتخابات سے متعلق تبادلہ خیال کیا گیا۔

اپوزیشن کے اتحاد سے حکومت کو شکست کا سامنا ہے: بلاول بھٹو زرداری

پاکستان پیپلز پارٹی کے چیئرمین بلاول بھٹو زرداری کا کہنا ہے کہ اپوزیشن کے متحد ہونے سے حکومت کو ایک کے بعد ایک شکست کا سامنا ہو رہا ہے۔

بلاول بھٹو زرداری کو 19 نومبر نوشہرہ اور 30 نومبر کو پشاور میں طے شدہ جلسوں اور اس میں حائل رکاوٹوں سے متعلق آگاہ کیا گیا۔

خیبر پختونخوا کی پارٹی قیادت نے چیئرمین پی پی پی کو بتایا کہ انتظامیہ نے پشاور میں جلسے کی اجازت نہیں دی، جبکہ نوشہرہ میں جلسہ روکنے کے لیے رکاوٹیں کھڑی کی جارہی ہیں۔

اس موقع پر چیئرمین پیپلز پارٹی بلاول بھٹو زرداری کا کہنا تھا کہ اجازت ملے یا نہ ملے، رکاوٹوں کے باوجود نوشہرہ، پشاور میں جلسے کریں۔

25 خواجہ سراؤں کا پی پی میں شمولیت کا اعلان

خواجہ سرا رہنما بندیا رانا نے کہا کہ آئندہ بلاول بھٹو کو وزیراعظم دیکھنا چاہتے ہیں، ذوالفقارعلی بھٹو نےآمریت کےسامنے سر نہیں جھکایا۔

انہوں نے یہ بھی کہا کہ حکومت مخالف مہم سے حواس باختہ پی ٹی آئی ہمارے جلسے روکنے کی کوشش کر رہی ہے۔

چیئرمین پی پی پی کا کہنا تھا کہ پی ٹی آئی کو جو کرنا ہے کرلے، پشاور اور نوشہرہ میں جلسے ہر صورت میں ہوں گے۔

انہوں نے سوال اٹھایا کہ اگر خیبر پختونخوا میں حکومتی جماعت کے جلسے ہوسکتے ہیں تو پاکستان پیپلز پارٹی کے جلسے کیوں نہیں ہوسکتے؟

قومی خبریں سے مزید

Original Article

Leave a Reply

Your email address will not be published.