آزاد کشمیر پر بھارتی اعلیٰ فوجی افسر کا بیان نامعقول ہے: ڈی جی ISPR

ڈی جی آئی ایس پی آر لیفٹیننٹ جنرل بابر افتخار—فائل فوٹو

ڈائریکٹر جنرل (ڈی جی) انٹر سروسز پبلک ریلیشنز (آئی ایس پی آر) لیفٹیننٹ جنرل بابر افتخار کا کہنا ہے کہ آزاد کشمیر کے بارے میں بھارتی فوج کے اعلیٰ افسر کابیان نامعقول ہے۔

جاری کیے گئے بیان میں پاک فوج کے شعبۂ تعلقاتِ عامہ (آئی ایس پی آر) کے ڈی جی کا کہنا ہے کہ یہ بیان بھارتی مسلح افواج کی فریب زدہ ذہنیت کا مظہر ہے، لانچ پیڈز اور دہشت گردوں کی موجودگی کے من گھڑت اور بے بنیاد الزامات ہیں۔

ان کا کہنا ہے کہ یہ الزامات بھارتی فوج کے مقبوضہ وادی میں طاقت کے جابرانہ استعمال سے توجہ ہٹانےکی کوشش ہے، یہ اندرونی سیاست کی بھارتی افواج پر چھاپ کا نتیجہ ہے، بھارتی فوجی افسر کے دعوے اور غیر حقیقی عزائم توہین آمیز ہیں۔

ڈی جی آئی ایس پی آر کا کہنا ہے کہ پاک فوج علاقائی امن و استحکام کی حامی ہے، اس کی امن کی خواہش کو کمزوری نہ سمجھا جائے، ہم اپنی سر زمین کے خلاف کسی بھی مہم جوئی یا جارحیت کو ناکام بنانے کے لیے ہر وقت تیار ہیں۔

انہوں نے کہا کہ کشمیریوں کا حقِ خود ارادیت بذریعہ بین الاقوامی قانون، اقوامِ متحدہ کی سلامتی کونسل کی قرار دادوں کے تحت ہے، بھارتی فوج غیر ذمے دارانہ بیانات سے گریز کرے۔

پاک فوج کے شعبۂ تعلقاتِ عامہ کے سربراہ کا کہنا ہے کہ بھارتی فوج مقبوضہ کشمیر میں حقِ خود ارادیت کی تحریک کو کچلنے میں مصروف ہے۔

ان کا کہنا ہے کہ بھارتی فوج اپنے سیاسی آقاؤں کے نظریے کو آگے بڑھانے کے لیے غیر ذمے دارانہ بیان بازی کر رہی ہے۔

ڈی جی آئی ایس پی آر کا مزید کہنا ہے کہ بھارتی فوج غیر ذمے دارانہ بیان بازی اور وحشیانہ طرزعمل سے ہر ممکن انداز میں گریز کرے۔

لیفٹیننٹ جنرل بابر افتخار کا یہ بھی کہنا ہے کہ پاکستان کا دعویٰ بالا کوٹ واقعے سمیت متعدد بار جامع طور پر تصدیق شدہ ہے۔

بھارتی جنرل کی ہرزہ سرائی

واضح رہے کہ مقبوضہ کشمیر میں تعینات بھارتی جنرل آفیسر کمانڈنگ اِن چیف شمالی کمان، لیفٹیننٹ جنرل اوپیندر دویدی نے دعویٰ کیا ہے کہ یہاں تقریباً 300 عسکریت پسند موجود ہیں، بھارتی فوج آزاد کشمیر پر قبضے کے لیے حکومتی احکامات پر عمل درآمد کے لیے تیار ہے۔

لیفٹیننٹ جنرل اوپیندر دویدی نے مقبوضہ پونچھ میں ایک تقریب میں صحافیوں سے بات چیت کرتے ہوئے کہا ہے کہ عسکریت پسندوں کے خلاف ہماری کارروائی جاری ہے۔

ان کا کہنا ہے کہ تقریباً 300 عسکریت پسند جموں و کشمیر کے طول و عرض میں موجود ہیں لیکن ہم اس بات کو یقینی بنا رہے ہیں کہ وہ کوئی کارروائی کرنے کے قابل نہ رہیں۔

کشمیر میں سیکیورٹی کی صورتِ حال پر بھارتی فوجی کمانڈر نے کہا کہ آرٹیکل 370 کی منسوخی کے بعد اس میں ایک بڑی تبدیلی آئی ہے اور سول انتظامیہ امن اور ترقی کو یقینی بنانے کے لیے بہت اچھا کام کر رہی ہے۔

بھارتی فوج کے شمالی کمانڈر، لیفٹیننٹ جنرل اوپیندر دویدی نے دعویٰ کیا کہ دفعہ 370 کی منسوخی کے بعد کشمیر کے سیکیورٹی کے منظر نامے میں قابلِ دید بہتری آئی ہے اور اس وقت امن اور ترقی کے لیے کافی جگہ موجود ہے۔

انہوں نے یہ دعویٰ بھی کیا ہے کہ بھارتی فوج آزاد کشمیر پر قبضے کے لیے حکومتی احکامات پر عمل درآمد کے لیے تیار ہے۔

قومی خبریں سے مزید

Original Article

آمدن سے زائد اثاثہ ریفرنس، شریک ملزم کو بیرون ملک سفر کی اجازت

آرمی چیف کی تعیناتی روکنے سے متعلق درخواست جرمانے کیساتھ مسترد

مولانا طارق جمیل کی عمران خان سے ملاقات

وفاق و صوبے میں دوریاں ختم کرنے کی کوشش کرونگا: گورنرKPK حاجی غلام علی

آرمی چیف کی تعیناتی، وزیرِ اعظم ہاؤس میں اجلاس جاری

بلوچستان اسمبلی کا اجلاس آج ہوگا

سندھ حکومت نے گنے کی امدادی قیمت مقرر کردی

مارچ کے شرکاء پر حملہ ہوا تو حکومت ذمہ دار ہوگی، شبلی فراز

پاکستان کو معاشی استحکام کیلئے تیزی سے اصلاحات کی ضرورت ہے، ایسٹر پریز

پیپلز پارٹی کے رکن ممتاز چانگ کی بہن کے گھر ڈاکوؤں کا حملہ

عمران خان نے رواں ہفتے میں نئے یوٹرنز کی لائن لگادی

پنجاب، کے پی میں جعلی ادویات بنانے والی فیکٹری پر چھاپہ

صدر کے پاس اختیار ہے تو ہم بھی کچھ سوچ کر بیٹھے ہوں گے، قمر زمان کائرہ

آرمی چیف کی تعیناتی کی سمری آج صدر کو بھیج دی جائے گی، وزیر دفاع خواجہ آصف

وزیرآباد حملہ کیس: تحقیقات کمیٹی کو دوسرے حملہ آور کے شواہد نہیں ملے، ذرائع

آرمی چیف نے غلطیوں کا اعتراف بھی کیا اور ملک پر اثرات کا بھی ذکر کیا، شاہد خاقان