آرمی چیف کی تعیناتی پر اتفاق ہوچکا، رسمی اعلان باقی ہے، رانا ثناء اللّٰہ

وفاقی وزیر داخلہ رانا ثناء اللّٰہ نے کہا ہے کہ آرمی چیف کی تعیناتی پر اتفاق رائے ہوچکا ہے، رسمی اعلان باقی ہے۔

جیو نیوز کے پروگرام ’نیا پاکستان‘ میں گفتگو کے دوران رانا ثناء اللّٰہ نے کہا کہ میرا تجربہ ہے، حساس نوعیت کے فیصلے سے پہلے اتفاق رائے ہوتا ہے۔

انہوں نے کہا کہ اہم تعیناتی پر اختیار وزیراعظم کا ہے، اس پر اتفاق رائے ہوچکا ہے، اب یہ معاملہ پیپر پر آنا باقی رہ گیا ہے، رسمی اعلان باقی ہے۔

وفاقی وزیر داخلہ نے مزید کہا کہ نئے آرمی چیف کا فیصلہ ایک دو دن میں ہوجائے گا، اس حوالے سے وزیر اعظم مشاورت کر چکے ہیں۔

ان کا کہنا تھا کہ عمران خان کو معلوم ہے وقت سے پہلے الیکشن نہیں ہوسکتے، لانگ مارچ میڈیا میں ہی ہے اور کہیں نظر نہیں آرہا۔

رانا ثناء اللّٰہ نے یہ بھی کہا کہ مشاورت سے مراد کسی کا اختیار تو نہیں ہوتا، وزیراعظم کسی سے بھی پوچھ سکتے ہیں، بالآخرفیصلہ انہوں نے کرنا ہے۔

انہوں نے کہا کہ حتمی فیصلہ وزیراعظم کریں گے، یہ ان کا اختیار ہے، یہ کسی کو سرپرائز دینے والی بات نہیں ہے۔

وفاقی وزیر نے کہا کہ وزیراعظم مشاورت کرچکے ہیں، ایک دو دنوں میں پیپر پر آجائے اس میں کوئی حرج نہیں۔

ان کا کہنا تھا کہ اسحاق ڈار کی مدد جہاں درکار تھی وہ حاصل کی گئی ہے، کوئی ایسی بات نہیں کرنا چاہتا کہ فیصلے سے پہلے قیاس آرائی ہو۔

رانا ثناء اللّٰہ نے کہا کہ میری رائے میں تعیناتی پر زیادہ تاخیر مناسب نہیں، آرمی چیف کی تعیناتی سے متعلق ایک دو دن میں فیصلہ ہوجائے گا۔

انہوں نے کہا کہ نواز شریف نے جس کو آرمی چیف مقرر کیا کسی سے ایسی بات نہیں کی، جس سےعمران خان منسوب کررہے ہیں۔

وفاقی وزیر نے مزید کہا کہ عمران خان کو نہ اپنی عزت کا خیال ہے نہ کسی اور کی عزت کا، اس نے 2014 سے اب تک مسلسل غط بیانی کی، توہین کرنے کی کوشش کی۔

رانا ثناء اللّٰہ نے کہا کہ ہم پی ٹی آئی والوں سے بات کریں بھی تو عمران ان کی بات نہیں مانتا، پرویز خٹک، شاہ محمود، فواد چوہدری سے ہماری بات پہلے بھی ہوتی رہی ہے۔

انہوں نے کہا کہ شاہ محمود قریشی نے ایک دفعہ کہا تھا کہ یہ پاگل ہماری بات سنتا ہی نہیں۔

قومی خبریں سے مزید

Original Article

منگل یا بدھ تک نئے آرمی چیف کا نام سامنے آجائے گا، خواجہ آصف

صدر جامعہ دارالعلوم کراچی مفتی رفیع عثمانی انتقال کرگئے

عمران خان کی مزید دو گھڑیاں بیچنے کی تفصیلات سامنے آگئیں

گھڑیوں کے ڈیلرز سے پروموشن کسی اور نے نہیں ذلفی بخاری نے کروائی، عمر ظہور

ہوشاب: خفیہ اطلاع پر سیکیورٹی فورسز کا آپریشن، دو دہشتگرد ہلاک

سنجرانی نے تحریک انصاف کی ناراضی کو ہوا میں اڑا دیا

کرشنگ تب شروع کریں گے جب حکومت چینی برآمد کرنے کی اجازت دے گی، ذکا اشرف

آرمی چیف کی تعیناتی پر تبصرہ آرائی بند ہونی چاہیے، چوہدری شجاعت

پی ڈی ایم سربراہ مولانا فضل الرحمان کی وزیراعظم شہباز شریف سے ملاقات

سکھر ایئرپورٹ کی لینڈنگ لائٹس خراب، رات میں جہاز نہیں اتر سکتا، پی آئی اے

اسلم پیرزادہ کی 2 ارب 14 کروڑ کے مقدمے میں عبوری ضمانت

منظور وسان کی عمران خان اور لانگ مارچ سے متعلق بڑی پیشگوئی

توشہ خانہ کے تحائف کیلئے رقم کی ادائیگی کا شہباز گل کا دعویٰ بھی جھوٹا نکلا

شاہراہ فیصل اور کارساز روڈ آج رات 12 بجے سے صبح تک بند رہے گی

نواز شریف آرمی چیف کو کہے گا عمران خان کو فارغ کرو، عمران خان

پی ڈی ایم سے معاہدہ کیا، پھر بھی مسئلہ حل نہ ہوا، وسیم اختر