آئیڈیاز 2022ء: 15 تا 18 نومبر متبادل راستوں کا اعلان

تصاویر بشکریہ گوگل

بین الاقوامی دفاعی نمائش آئیڈیاز 2022ء کے ایکسپو سینٹر کراچی میں انعقاد کے دوران ٹریفک پولیس کی جانب سے مختلف راستے بند رکھے جائیں گے، اس سلسلے میں ڈی آئی جی ٹریفک احمد نواز چیمہ کی جانب سے متبادل راستوں کا اعلان کیا گیا ہے۔

ڈی آئی جی ٹریفک کے مطابق شارعِ فیصل نرسری سے کار ساز روڈ پر آنے والے ہیوی اور کمرشل ٹریفک کو اسٹیڈیم براستہ حبیب ابراہیم رحمت اللّٰہ روڈ سے سر شاہ سلیمان روڈ جانے کی اجازت نہیں ہو گی۔

ڈرائیور حضرات کارساز سے ڈرگ روڈ شارعِ فیصل سے بائیں جانب راشد منہاس روڈ، ملینیئم سے نیپا کا راستہ اختیار کریں اور اسی طرح ایئر پورٹ سے آنے والے حضرات ڈرگ روڈ سے دائیں جانب راشد منہاس روڈ، ملینیئم اور نیپا چورنگی کا راستہ اختیار کر سکتے ہیں۔

ملینیئم راشد منہاس روڈ سے ہیوی اور کمرشل ٹریفک کو اسٹیڈیم براستہ ڈالمیا روڈ جانے کی اجازت نہیں ہو گی۔

نیپا، عسکری فور، ڈرگ روڈ سے شارع فیصل یا ملینیئم، نیپا سے صفورا یا گلشن چورنگی سے سہراب گوٹھ کا راستہ اختیار کر سکتے ہیں۔

یونیورسٹی روڈ نیپا سے پی پی چورنگی تک ہیوی اور کمرشل ٹریفک کو جانے کی اجازت نہیں ہو گی۔

نیپا، گلشن چورنگی سے سہراب گوٹھ یا صفورہ، نیپا، بائیں جانب راشد منہاس روڈ، ملینیئم، ڈرگ روڈ سے شارعِ فیصل کا راستہ اختیار کر سکتے ہیں۔

پی پی چورنگی سے نیپا تک ہیوی اور کمرشل ٹریفک کو جانے کی اجازت نہیں ہو گی۔

شارعِ قائدین سے مزارِ قائد یا خداداد کالونی فلائی اوور ریمپ سے بائیں جانب صدر اور اسی طرح گرومندر چورنگی، پی پی چورنگی سے دائیں جانب صدر یا عائشہ عزیز چورنگی سے دائیں جانب شارعِ قائدین کا راستہ اختیار کر سکتے ہیں۔

نیو ٹاؤن یونیورسٹی روڈ پر اندرونی علاقے سے آنے والے ہیوی اور کمرشل ٹریفک کو اسٹیڈیم روڈ جانے کی اجازت نہیں ہو گی، اس ٹریفک کو پی پی چورنگی سے شارعِ قائدین کی جانب موڑ دیا جائے گا۔

سر شاہ سلیما ن روڈ پر لیاقت آباد نمبر 10 سے حسن اسکوائر ہیوی اور کمرشل ٹریفک کو جانے کی اجازت نہیں ہو گی۔

لیاقت آباد نمبر 10 سے بائیں جانب کریم آباد یا دائیں جانب ڈاک خانہ، تین ہٹی کی جانب جا سکتے ہیں۔

یونیورسٹی روڈ کی دونوں اطرف کی سڑکیں عام ٹریفک کے لیے کھلی رہیں گی، تاہم لیاقت آباد، غریب آباد اور حسن اسکوائر سے شارعِ فیصل جانے کے لیے ٹریفک کو حسن اسکوائر سے بائیں جانب یونیورسٹی روڈ بیت المکرم سے یوٹرن لے کر براستہ جعفری آپٹکس، الراعی ایونیو، کے ڈی اے اسکیم، اسٹیڈیم کے عقب سے اسٹیڈیم روڈ اور کارساز یا ملینیئم جا سکتے ہیں یا یونیورسٹی روڈ سے نیپا اور راشد منہاس، ڈرگ روڈ سے اپنی منزل کی طرف جا سکتے ہیں۔

متبادل راستے

دورانِ نمائش سر شاہ سلیمان روڈ (دونوں روڈ) مکمل طور پر صبح 7 بجے سے شام 6 بجے تک ٹریفک کے لیے بند رہیں گے، صرف اسٹیکر (اجازت نامے) کی حامل گاڑیوں کو جانے کی اجاز ت ہو گی۔

کراچی میں آئیڈیاز 2022ء کی وجہ سے ٹریفک پولیس کی جانب 15 تا 18 نومبر اعلان کردہ متبادل راستوں کا نقشہ

کارساز حبیب ابراہیم رحمت اللّٰہ روڈ، اسٹیڈیم برج کے نیچے سے سرشاہ سلیمان روڈ، ایکسپو سینٹر کی جانب صرف اسٹیکر کی حامل گاڑیوں کو جانے کی اجاز ت ہو گی۔

کارساز حبیب ابراہیم رحمت اللّٰہ روڈ صرف اسٹیکر کی حامل گاڑیاں اسٹیڈیم برج سے کراچی ایکسپو سینٹر تک جا سکیں گی۔

کارساز حبیب ابراہیم رحمت اللّٰہ روڈ سے بغیر اسٹیکر کی گاڑیاں اسٹیڈیم سے دائیں جانب ڈالمیا اور بائیں جانب نیو ٹاؤن جا سکیں گی۔

کارساز حبیب ابراہیم رحمت اللّٰہ روڈ پر کسی بھی قسم کے ہیوی کمرشل ٹریفک کو اسٹیڈیم کی طرف جانے کی اجازت نہیں ہو گی۔

پارکنگ

ایکسپو سینٹر، نیشنل کوچنگ سینٹر، نیشنل اسٹیڈیم صرف اسٹیکر کی حامل گاڑیاں مقررہ پارکنگ کے مقامات پر پارک ہوں گی۔

سر شاہ سلیمان روڈ، اسٹیڈیم سے حسن اسکوائر، یونیورسٹی روڈ، اسٹیڈیم روڈ اور دیگر مقامات پر کسی بھی قسم کی گاڑی کو پارک کرنے کی اجازت نہیں۔

حسن اسکوائر کے آس پاس کے رہائشیوں کیلئے ہدایات

سر شاہ سلیمان روڈ حسن اسکوائر سے اسٹیڈیم اور اسٹیڈیم سے حسن اسکوائر تک عام ٹریفک کو جانے کی اجازت نہیں ہو گی۔

عوام درج ذیل راستوں کا انتخاب کریں:

صہبا اختر روڈ، مچھلی کٹ، یونیورسٹی روڈ سے نیپا یا بیت المکرم مسجد یو ٹرن ،جعفری آپٹکس ،الراعی ایونیو ، کے ڈی اے اسکیم، اسٹیڈیم کے عقب سے اسٹیڈیم روڈ اور کارساز یا ملینیئم جا سکتے ہیں۔

یونیورسٹی روڈ پر بیت المکرم مسجد یو ٹرن، یونیورسٹی، جیل، پی پی چورنگی یا شہیدِ ملت روڈ جایا جا سکتا ہے۔

یہ بھی پڑھیے

آئیڈیاز 2022ء پاکستان کا سافٹ لانچ آج انعقاد پذیر ہوگا

یونیورسٹی روڈ، نیپا، راشد منہاس روڈ، ڈرگ روڈ سے بائیں جانب اسٹار گیٹ یا دائیں جانب کارساز وغیرہ جاسکتے ہیں۔

آغا خان اسپتال کے عقب اور اسی طرح سوک سینٹر کے عقب کا راستہ اختیار کریں۔

ڈی آئی جی ٹریفک احمد نواز چیمہ کا کہنا ہے کہ عوام الناس سے گزارش ہے کہ زحمت و پریشانی سے بچنے کے لیے قانون نافذ کرنے والے اداروں اور ٹریفک پولیس سے تعاون کریں، درجِ بالا ہدایات پر عمل کریں، اپنی گاڑیوں، موٹر سائیکلوں کو کسی سروس روڈ یا مین روڈ پر کھڑا نہ کریں، کسی بھی پریشانی کی صورت میں رہنمائی کے لیے ٹریفک پولیس رہنما 1915 ملائیں جہاں ہمارے نمائندے آپ کی رہنمائی کے لیے موجود ہوں گے۔

قومی خبریں سے مزید

Original Article

ارشد شریف قتل: تحقیقاتی ٹیم دبئی پہنچ گئی

کراچی: کورنگی 100 کوارٹرز میں نوجوان قتل

امریکی سازشی بیانیے سے محض دستبرداری کافی نہیں، حافظ حمد اللّٰہ

ارشد شریف کے جسم پر 12 نشانات موجود

عمران خان کو گولیاں لگنے کے زخموں کی فوٹیج پہلی بار منظر عام پر آگئی

سردی کی آمد، بلاول بھٹو کی متاثرین سیلاب کی مدد کا کام تیز کرنے کی ہدایت

سندھ: بلدیاتی انتخابات میں تاخیر کیخلاف درخواستوں پر فیصلہ محفوظ

ملک میں چیزیں چھپ جاتی ہیں، سامنے نہیں آتیں: علی زیدی

اسلام آباد پلوامہ تھوڑی ہے، یہاں لانگ مارچ آئیگا: بابر اعوان

عمران خان حملے پر چیف جسٹس جوڈیشل کمیشن تشکیل دیں، شاہ محمود قریشی

مجھے صبح کے اندھیرے میں اٹھایا اور بے لباس کیا گیا: اعظم سواتی

عمران خان نے سیاسی تاریخ کا سب سے بڑا یوٹرن لے لیا، شیری رحمٰن

نواز شریف کو پاسپورٹ مل گیا، کلین چٹ نہیں ملی، شیخ رشید

عمران خان پر حملہ: PTI ارکانِ پارلیمان کی درخواستیں سپریم کورٹ رجسٹریز میں جمع

امریکی سازش کا بیانیہ پس پشت ڈالنے سے بات ختم نہیں ہوگی، مریم اورنگزیب

لانگ مارچ کیخلاف درخواست: ایڈووکیٹ جنرل پنجاب کو معاونت کیلئے نوٹس جاری

کراچی: 4 روزہ دفاعی نمائش آئیڈیاز 2022 کا انعقاد، وزیراعظم افتتاح کریں گے