Categories
Breaking news

آئین پر کوئی سمجھوتہ نہیں ہو گا: گورنر پنجاب

گورنر پنجاب بلیغ الرحمٰن—فائل فوٹو
گورنر پنجاب بلیغ الرحمٰن—فائل فوٹو

گورنر پنجاب بلیغ الرحمٰن کا کہنا ہے کہ آئین پر کسی قسم کا کوئی سمجھوتہ نہیں ہو گا۔

پیپلز پارٹی پنجاب کے پارلیمانی لیڈر حسن مرتضیٰ نے گورنر پنجاب بلیغ الرحمٰن سے ملاقات کی ہے۔

ملاقات میں دونوں رہنماؤں کے درمیان پنجاب کی سیاسی صورتِ حال پر تبادلۂ خیال کیا گیا۔

اس موقع پر حسن مرتضیٰ نے کہا کہ گورنر پنجاب کا اعتماد کا ووٹ لینے کا حکم آئین کے مطابق ہے۔

اعتماد کا ووٹ نہ لیا تو پرویز الہٰی وزیرِ اعلیٰ نہیں رہینگے: ماہرِ قانون

ماہرِ قانون جسٹس ریٹائرڈ شائق عثمانی کا کہنا ہے کہ اسپیکر اجلاس نہیں بلاتے اور پرویز الہٰی اعتماد کا ووٹ نہیں لیتے تو وہ وزیرِ اعلیٰ نہیں رہیں گے اور ایک نیا وزیرِ اعلیٰ منتخب کیا جائے گا۔

یاد رہے کہ گزشتہ روز پنجاب اسمبلی کا اجلاس بلانے پر تنازع پیدا ہو گیا تھا۔

اسپیکر پنجاب اسمبلی سبطین خان نے گورنر کی جانب سے وزیرِ اعلیٰ پنجاب کو اعتماد کا ووٹ لینے کے لیے آج 21 دسمبر کو اسمبلی کا اجلاس بلانے سے انکار کر دیا تھا۔

پنجاب کی وزارتِ اعلیٰ کے لیے پیپلز پارٹی سے حسن مرتضیٰ، علی حیدر گیلانی اور عثمان محمود جبکہ ن لیگ سے ملک احمد خان اور اویس لغاری دوڑ میں شامل ہیں۔

قومی خبریں سے مزید

Original Article

Leave a Reply

Your email address will not be published. Required fields are marked *